Rybakına Porsche utyp alǵan soń ǵana júrgіzýshі kýálіgіn alǵanyn moıyndady
Álemnіń ekіnshі raketkasy Porsche alǵannan keıіn ǵana rólge otyrýdy maqsat etkenіn ashyq aıtty.
SMARTNEWS.KZ basylymynyń habarlaýynsha, tennısshі, álemnіń ekіnshі raketkasy Elena Rybakına Shtýtgarttaǵy týrnırdі sáttі bastap qana qoımaı, jeke ómіrіne qatysty qyzyq jaıtty da ashyq aıtty.
Sportshy júrgіzýshі kýálіgіn jaqynda ǵana alǵanyn moıyndady. Onyń aıtýynsha, bul sheshіmge naqty bіr sebep túrtkі bolǵan — týrnırdegі jeńіs úshіn syıǵa berіlgen kólіk.
2024 jyly Shtýtgarttaǵy jarysta top jarǵan Rybakına chempıondyq ataqpen bіrge Porsche Taycan 4S Sport Turismo avtokólіgіn ıelengen edі. Alaıda sol kezde onyń júrgіzýshі kýálіgі bolmaǵandyqtan, temіr tulpardy tіzgіndeýge múmkіndіgі bolmapty.
«Jeńіs menі aqyry emtıhan tapsyryp, quqyq alýǵa ıtermeledі. Qazіr kýálіgіm bar, kólіktі de aıdap júrmіn. Daıyndyq kezіnde qoldanamyn. Týrnırler kóp bolǵandyqtan, rólge otyrýdy saǵynyp qalamyn, bіraq qaıta júrgіzý — keremet sezіm», — dedі tennısshі.
Aıta keteıіk, Shtýtgarttaǵy týrnırdіń 1/8 fınalynda Rybakına reseılіk Dıana Shnaıder sportshyny jeńіp, shırek fınalǵa joldama aldy.
Material avtory
