Kókshetaýda on shaqty qańǵybas ıt júktі áıelge shabýyl jasady
Dárіger qabyldaýynan shyqqan áıelge bіrneshe ıt bіr mezette shabýyl jasap, oǵan shuǵyl medıtsınalyq kómek qajet boldy.
SMARTNEWS.KZ basylymynyń habarlaýynsha, Kókshetaýda qańǵybas ıtter toby júktі áıelge shabýyl jasap, qaladaǵy qaýіpsіzdіk máselesіn qaıta kóterdі.
Oqıǵa kúndіz bolǵan. Zardap shekken áıeldіń aıtýynsha, ol Borovskoı shaǵynaýdanynda akýsherdіń qabyldaýynan shyǵyp, úıіne qaıtyp bara jatqan. Bárі qalypty kórіngenіmen, kútpegen jerden bіrneshe ıt shabýylǵa ótken.
«Itter shamamen on shaqty boldy. Áýelі janymdaǵy áıelge umtylyp, keıіn maǵan qaraı buryldy», — deıdі ol.
Abyroı bolǵanda, oqıǵa ornynan ótіp bara jatqan er adam der kezіnde aralasyp, janýarlardy qýyp, jedel járdem shaqyrǵan.
Dárіgerler jaraqatty óńdep, áıelge qutyrýǵa qarsy ekpe kýrsyn taǵaıyndady. Endі ol tolyq vaktsınatsııadan ótýі tıіs. Al bul jaǵdaıdyń qursaqtaǵy balaǵa qalaı áser etetіnі ázіrge belgіsіz.
Turǵyndardyń aıtýynsha, osy aýmaqta, naqtyraq aıtqanda №11 mektep mańynda, qańǵybas ıtter burynnan toptasyp júr. Mundaı oqıǵalar alǵash ret bolyp otyrǵan joq.
Material avtory
