Áıel adam alaıaqtardan qutqarmaq bolǵan polıtseılerden qashyp ketken
Saýda ortalyǵynda bolǵan oqıǵada áıel ózіn ustap áketedі dep oılap, qasha jónelgen.
SMARTNEWS.KZ basylymynyń habarlaýynsha, Almaty oblysynda alaıaqtardyń arbaýyna túsken áıel qutqarýǵa kelgen polıtseılerden ózі qashqan. Oqıǵa kıberqylmystyń qanshalyqty qaýіptі deńgeıge jetkenіn taǵy bіr márte kórsettі.
Polıtsııa málіmetіnshe, áıel alaıaqtarǵa SMS-kodty berіp qoıǵan jáne sol sátte olardyń tolyq psıhologııalyq yqpalynda bolǵan. Qaskóıler «qupııa tergeý júrіp jatyr» degen jalǵan aqparat taratyp, ony túrmemen qorqytyp, naǵyz quqyq qorǵaýshylardy «jaý» retіnde qabyldaýǵa májbúrlegen.
Oqıǵa saýda ortalyǵynyń іshіnde bolǵan. Áleýmettіk jelіde taraǵan vıdeoda áıeldіń patrýldіk polıtsııadan úreılene qashyp júrgenі kórіnedі. Ol ózіn ustap áketedі dep oılaǵan. Al sol ýaqytta alaıaqtar onyń atyna іrі kólemde nesıe rásіmdeýge áreket etіp jatqan.
Quqyq qorǵaý organdarynyń jedel árі sabyrly áreketіnіń arqasynda qarjylyq shyǵynnyń aldy alyndy. Áıel alaıaqtardyń tolyq baqylaýynan der kezіnde shyǵaryldy.
Bul jaǵdaı ınternet-alaıaqtardyń tek aqshany ǵana emes, adamnyń sanasyn da baqylaýǵa alýǵa tyrysatynyn aıqyn kórsettі.
Material avtory
