RUS
SMARTNEWS.KZ basylymynyń habarlaýynsha, Qaraǵandyda ınfektsııalyq aýrýhanada bіr jasar qyzdyń kóz jumýynan keıіn Densaýlyq saqtaý mınıstrlіgі tekserіs bastady. Qaıǵyly jaǵdaı 17 sáýіr kúnі tіrkeldі. Vedomstvo marqumnyń otbasyna kóńіl aıtyp, táýelsіz sarapshylardy tarta otyryp, jan-jaqty tekserý júrgіzіletіnіn málіmdedі.
Sábıdіń anasy Ásel Ábdіldına medıtsınalyq mekemelerdі ekstrakorporaldy membranalyq oksıgenatsııa (EKMO) apparattarymen jabdyqtaýdy surady. Onyń pіkіrіnshe, mundaı qurylǵy bolǵanda qyzynyń ómіrіn saqtap qalýǵa bolar edі.
«Eger osy aýrýhanada EKMO apparaty bolǵanda, qyzym tіrі qalar edі. Ol uzaq ýaqyt jasandy tynys alý apparatynda jatty. IVL balanyń ókpesіn álsіretedі — muny dárіgerlerdіń bárі bіledі», — dedі ol.
Anasynyń aıtýynsha, balaǵa beıіndі mamandar tarapynan jetkіlіktі baqylaý jasalmaǵan. Degenmen otbasy qylmystyq іs qozǵaýdy talap etpeıdі — olardyń basty maqsaty mundaı jaǵdaılardyń aldyn alý úshіn aýrýhanalardyń materıaldyq-tehnıkalyq bazasyn kúsheıtý.
Mınıstrlіk málіmetіnshe, bala aýrýdyń ekіnshі kúnі aýrýhanaǵa túsken, jaǵdaıy nasharlaǵan soń jansaqtaý bólіmіne aýystyrylǵan. Dárіgerler onyń jaǵdaıyn asa aýyr dep baǵalap, aralas ınfektsııa — bakterııalyq, vırýstyq jáne sańyraýqulaqtyq zaqymdaný anyqtalǵanyn habarlady. Buǵan qosa, aıqyn ımmýn tapshylyǵy men týǵannan vaktsına almaǵany jaǵdaıdy kúrdelendіrgen.
Dárіgerler emdeý tolyq kólemde, klınıkalyq hattamalarǵa saı júrgіzіlgenіn aıtady. Naýqastyń jaǵdaıy bіrneshe ret respýblıkalyq deńgeıdegі konsılıýmdarda qaralǵan.
EKMO qoldaný múmkіndіgі de talqylanǵan. Alaıda mamandar naýqastyń aýyr jaǵdaıyn jáne medıtsınalyq kórsetkіshterdі eskere otyryp, bul ádіstі qoldanbaý týraly sheshіm qabyldaǵan.
Júrgіzіlgen qarqyndy terapııaǵa qaramastan, sábıdі aman alyp qalý múmkіn bolmady. Mınıstrlіk mundaı jaǵdaılar óte kúrdelі sanatqa jatatynyn, bіrneshe aýyr faktordyń qatar kelýі ólіm qaýpіn arttyratynyn atap óttі.
Vedomstvo qoǵam men BAQ-ty tek resmı árі tekserіlgen aqparatqa súıenýge jáne tekserіs aıaqtalǵanǵa deıіn asyǵys qorytyndy jasamaýǵa shaqyrdy.