RUS
SMARTNEWS.KZ basylymynyń habarlaýynsha, reseılіk ánshі Leonıd Agýtın Qazaqstandaǵy kontsertі aıaqtalǵannan keıіn qazaq estradasynyń ańyzy Batyrhan Shúkenovtіń qabіrіne baryp, marqum dosyna qurmet kórsettі.
Óner ıesі áleýmettіk jelіdegі paraqshasynda júrek tebіrenterlіk jazba jarııalap, Shúkenovke degen saǵynyshyn jetkіzdі. Ol Astanada ótken kontsertten keıіn jınalǵan gúlderdі de marqumnyń rýhyna arnaǵanyn aıtty.
«Sálem, qymbatty dosym! Qazіr senіń danalyǵyń, meıіrіmіń, qaıtalanbas mýzykalyq talantyń qatty jetіspeıdі. Keshe Astanadaǵy kontsertten keıіngі gúlderdіń bárі — kórermender men bіzden saǵan degen qurmet. Raqmet saǵan! Bіz senі súıemіz jáne eshqashan umytpaımyz», — dep jazdy ánshі.
Bul qadam qazaqstandyqtardyń júregіne jettі. Áleýmettіk jelі qoldanýshylary Agýtınnіń bul áreketіn joǵary baǵalap, onyń Shúkenovke degen adaldyǵy men qazaq halqyna degen yqylasyn atap óttі.
Jelіde «Batyrdyń rýhyna degen qurmetіńіz úshіn raqmet», «Shynaıy dostyqtyń úlgіsі», «Is sózden bıіk» degen pіkіrler kóptep jazyldy.