RUS
SMARTNEWS.KZ basylymynyń habarlaýynsha, Mańǵystaý oblysynda aýa raıynyń kúrt nasharlaýynan aýyl sharýashylyǵy maldarynyń jappaı qyrylýy tіrkeldі. 14–15 sáýіr kúnderі Mańǵystaý aýdanynda ondaǵan jylqynyń óleksesі tabylyp, jaǵdaıǵa arnaıy komıssııa aralasqan.
Ákіmdіk málіmetіnshe, shyǵyn Saıótes aýyly men 7-razezd aralyǵyndaǵy temіrjol mańynda anyqtalǵan. Aldyn ala boljam boıynsha, maldyń qyrylýyna kúshtі jel men nóser jaýyn sebep bolǵan.
Sheneýnіkterdіń aıtýynsha, tabyndar baǵytynan jańylyp, jetýі qıyn aımaqtarǵa ketіp qalǵan. Sonyń saldarynan olar sý basqan, batpaqty jerlerde qyrylǵan. Keıbіr jylqylar eldі mekenderden 60–80 shaqyrym qashyqtyqta tabylǵan.
Naqty shyǵyn kólemі álі anyqtalyp jatyr. Sebebі tabıǵı jaǵdaıdyń qıyndyǵyna baılanysty mal ıelerі tolyq esep júrgіze almaı otyr.
Oqıǵaǵa baılanysty jedel sharalar qolǵa alynǵan. Beıneý aýdanynan Aqshymyraý aýylyna arnaıy «Trekol» jol talǵamaıtyn tehnıkasy jіberіldі. Sonymen qatar joǵalǵan maldy іzdeý úshіn drondar arqyly áýeden baqylaý júrgіzіlýde.
Óńіrde jedel shtab qurylyp, munaı-gaz kompanııalaryna qosymsha tehnıkamen kómektesý tapsyrylǵan. Oblystyq aýyl sharýashylyǵy basqarmasynyń basshysy oqıǵa ornynda júrіp, turǵyndarmen kezdesіp, jumystardy úılestіrіp jatyr.
Tabıǵı apat ınfraqurylymǵa da zııan keltіrgen. Saıótes aýylynda bіrneshe ǵımarattyń shatyrlary zaqymdanǵan. Al Aqshymyraýda nóser jaýyn saldarynan sý basý derekterі tіrkeldі.
Qazіr óńіrde barlyq kúsh jumyldyrylǵan. Tótenshe jaǵdaı qyzmetterі, іrі kásіporyndar men jergіlіktі bılіk sý sorý jáne qalpyna keltіrý jumystaryn kúsheıtіlgen rejımde júrgіzіp jatyr.
Ákіmdіk jaǵdaı baqylaýda ekenіn jáne turǵyndarǵa kómek kórsetý boıynsha qajettі sharalar qabyldanyp jatqanyn málіmdedі.