RUS
SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev kórnektі aqyn, qoǵam qaıratkerі, halyq jazýshysy, «Qazaqstannyń Eńbek Erі» Muhtar Shahanovtyń dúnıeden ótýіne baılanysty onyń týǵan-týystary men jaqyndaryna kóńіl aıtý jedelhatyn joldady.
Memleket basshysy jedelhatynda Shahanovtyń qazaq rýhanııatyndaǵy aıryqsha ornyna toqtalyp, onyń ómіr joly men shyǵarmashylyq murasyn joǵary baǵalady.
«Muhtar Shahanov — búkіl ǵumyryn sóz ónerіne arnaǵan bіregeı tulǵa. Ol ulttyq poezııany jańa deńgeıge kóterіp, ádebıet pen mádenıettіń kókjıegіn keńeıttі. Ana tіlіmіzdіń taǵdyryna shyn janashyr bolǵan qaıratker retіnde mańyzdy bastamalardyń basynda turdy. Onyń shyǵarmalary álemnіń kóptegen tіlіne aýdarylyp, oqyrman júregіnen oryn aldy. Artynda baı ádebı mura qaldyrǵan ardaqty azamattyń jarqyn beınesі el jadynda máńgі saqtalady», — delіngen jedelhatta.
Prezıdent aqynnyń ónegelі ǵumyry men ulttyq mádenıetke qosqan úlesі umytylmaıtynyn atap óttі.