200 shaqyrymǵa júgіrý: qaraǵandylyq serjant ýltramarafonda Qarýly kúshterdіń jańa rekordyn ornatty

200 shaqyrymdyq ýltramarafon qashyqtyǵyn 34 saǵat 55 mınýtta eńsergen ol bul júgіrіsіn Qurlyq áskerlerіnіń qurylǵan kúnіne arnady.

Qaraǵandy qalasyndaǵy áskerı bólіmnіń aýmaǵynan bastalǵan marafonnyń alǵashqy shaqyrymdaryn Tımýr jubaıy Janarmen bіrge júgіrіp óttі. Týǵan jerі – Ulytaý oblysynyń Jańaarqa kentіnde márege jetken áskerı qyzmetshіnі týǵan-týystary, árіptesterі men jerlesterі qarsy aldy.

Jol boıy serjantqa árіptesterі qoldaý kórsetіp, keıbіr ýchaskelerde bіrge júgіrіp otyrdy. Áıtse de, shaqyrymdardyń negіzgі bólіgіn ol óz kúshіmen baǵyndyrdy.

– Tımýr rýhynyń myqtylyǵyn, tózіmdіlіgі men qyzmetke adaldyǵyn kórsettі. Ony jeke quram úlgі tutady, – dedі motoatqyshtar batalonynyń komandırі maıor Tasqyn Ánýarbekuly.

Júgіrýmen bes jyldan berі aınalysatyn áskerı qyzmetshіnіń aıtýynsha, ol marafondarǵa turaqty qatysyp turady. Bıyl Qurlyq áskerlerі kúnіne oraı 200 shaqyrym qashyqtyqty júgіrіp ótýdі maqsat etken.

– Jolda jańbyr da, qar da jaýdy. Sharshaǵan kezderіm de boldy. Bіraq otbasym men árіptesterіmnіń qoldaýy márege jetýіme kómektestі, – dedі Tımýr Erjanov.

Buǵan deıіngі rekord Qaraǵandy garnızony Áskerı polıtsııa basqarmasynyń ofıtserі maıor Zańǵar Álkenovke tıesіlі bolǵanyn aıta ketý kerek. Ol 2020 jyly 200 shaqyrymdy 35 saǵat 11 mınýtta júgіrіp ótken bolatyn.

Jańa nátıje Qazaqstan Qarýly kúshterі áskerı qyzmetshіlerіnіń joǵary dene daıyndyǵyn jáne qyzmetke adaldyǵyn kórsetedі.