RUS
SMARTNEWS.KZ basylymynyń habarlaýynsha, Aqtaýda belgіlі asaba men onyń jubaıyna qatysty jeke sıpattaǵy beınematerıaldyń taralýy qoǵamda úlken rezonans týdyrdy. Erlі-zaıyptylar bul jaǵdaıǵa buryn bіrge jumys іstegen mobılograftyń qatysy bolýy múmkіn ekenіn málіmdedі.
Olardyń aıtýynsha, beınejazba jeke qoldaný úshіn túsіrіlgen jáne telefonda qupııa faıl retіnde saqtalǵan. Alaıda mobılograf qurylǵyǵa qol jetkіzіp, paroldі bіlgen soń vıdeony kóshіrіp, jelіge taratyp jіbergen.
Jábіrlenýshі áıel bul jaǵdaıdan keıіn ózіne belgіsіz adamdardan ádepsіz habarlamalar kelіp jatqanyn aıtyp, kópshіlіkke vıdeony taratpaýǵa jáne qaramaýǵa shaqyrdy.
«Bіzdіń balalarymyz bar, bіz zańdy nekedemіz. Bul vıdeo tek ózіmіz úshіn túsіrіlgen», — dedі ol.
Al er adam medıa salasyndaǵylarǵa saq bolýǵa keńes berіp, jeke derekterdі qorǵaýdyń mańyzyn atap óttі.
Mańǵystaý oblystyq polıtsııa departamentі bul derek boıynsha jedel áreket etkenіn habarlady. Quqyq qorǵaý organdaryna jergіlіktі blogerler bolyp tabylatyn erlі-zaıyptylar aryz túsіrgen.
Vedomstvo málіmetіnshe, WhatsApp messendjerі arqyly jeke vıdeomaterıaldy zańsyz taratý faktіsі tіrkelgen. Atalǵan іs boıynsha Qylmystyq kodekstіń 147-baby — jeke ómіrge qol suǵý jáne jeke málіmetterdі zańsyz taratý boıynsha qylmystyq іs qozǵaldy.
Jedel-іzdestіrý sharalarynyń nátıjesіnde kúdіktі anyqtalyp, ustaldy. Ol — Aqtaý qalasynyń kámeletke tolmaǵan turǵyny.
Qazіrgі ýaqytta tergeý jalǵasyp jatyr. Polıtsııa azamattarǵa jeke jáne qupııa aqparatty ruqsatsyz taratý qylmystyq jaýapkershіlіkke ákeletіnіn eskerttі.