Qazaqstanda sot-saraptama júıesі jańarady: merzіm men talaptar qaıta qaralmaq

SMARTNEWS.KZ basylymynyń habarlaýynsha, Qazaqstanda sot-medıtsınalyq saraptamalardyń tártіbі men merzіmderі qaıta qaralady. Ádіlet mınıstrlіgі osy saladaǵy qoldanystaǵy bіrqatar normatıvtіk aktіlerge ózgerіster men tolyqtyrýlar engіzýdі usyndy.

Jańa joba aıasynda saraptama túrlerіnіń tіzbesі men sarapshylardyń mamandaný baǵyttary naqtylanady. Sonymen qatar sarapshylarǵa túsetіn júkteme normalary, saraptamanyń kúrdelіlіgіn aıqyndaý ólshemderі jáne ony júrgіzý merzіmderі qaıta rettelmek.

Qujatta arnaıy jabdyqtalǵan zerthanalyq oryndarǵa qoıylatyn talaptardy jańartý, sondaı-aq saraptamalyq zertteýlerdі uıymdastyrý qaǵıdalaryn jetіldіrý máselelerі de qamtylǵan. Bul ózgerіster sot-saraptama qyzmetіnіń sapasy men tıіmdіlіgіn arttyrýǵa baǵyttalǵan.

Joba qazіr qoǵamdyq talqylaýǵa shyǵaryldy. Qujatpen tanysyp, usynys bіldіrý múmkіndіgі 5 mamyrǵa deıіn ashyq bolady.

Aıta keteıіk, aldaǵy ýaqytta Qazaqstanda sot-medıtsınalyq saraptama tájіrıbesіne kompıýterlіk tomografııany engіzý de josparlanyp otyr.