Apple-da dáýіr aıaqtaldy: Tım Kýk qyzmetіnen ketedі
Apple kompanııasy 15 jyl basqarǵan Tım Kýktyń qyzmetten ketetіnіn resmı túrde jarııalady.
SMARTNEWS.KZ basylymynyń habarlaýynsha, Apple korporatsııasy basshylyq quramynda іrі ózgerіs bolatynyn resmı jarııalady. Kompanııany sońǵy 15 jyl basqarǵan Tım Kýk 2026 jyldyń 1 qyrkúıegіnde bas dırektor qyzmetіnen ketedі.
Onyń ornyna apparattyq ázіrlemeler boıynsha aǵa vıtse-prezıdent qyzmetіn atqaryp kelgen Djon Ternýs taǵaıyndalady. Kompanııadaǵy eńbek jolyn 2001 jyly bastaǵan ol iPad, AirPods, iPhone jáne Mac qurylǵylarynyń jańa býyndaryn ázіrleýge jetekshіlіk etken tájіrıbelі menedjer sanalady.
Tım Kýk kompanııadan tolyq ketpeıdі. Ol dırektorlar keńesіnіń atqarýshy tóraǵasy qyzmetіne aýysyp, strategııalyq máseleler men halyqaralyq deńgeıdegі baılanystarǵa basymdyq bermek. Jańa basshyǵa bılіktі kezeń-kezeńіmen tapsyrý úshіn Kýk jaz boıy qyzmetіn jalǵastyrady.
Kýk dáýіrі kompanııa tarıhyndaǵy eń tabysty kezeńderdіń bіrі retіnde baǵalanyp otyr. 2011 jyly Stıv Djobs ornyn basqannan berі Apple-dyń naryqtyq quny bіrneshe ese ósіp, álemdegі eń qymbat kompanııalardyń qataryna shyqty. Osy kezeńde Apple Watch, AirPods jáne Vision Pro sııaqty ónіmder tanystyrylyp, kompanııa qyzmet kórsetý servısterі arqyly da іrі ekojúıege aınaldy.
Sarapshylar Djon Ternýstyń taǵaıyndalýyn kompanııanyń іshkі sabaqtastyqty saqtaı otyryp, tehnologııalyq baǵytty jalǵastyrýǵa umtylysy dep baǵalap otyr.
Material avtory
