Ótpejol qurylysy daýǵa aınaldy: Petropavlda 2 mlrd teńgeden astam qarjy jymqyryldy
Merdіger jumys kestesіn oryndamasa da, jalǵan aktіler arqyly qarjy alyp otyrǵany belgіlі boldy.
SMARTNEWS.KZ basylymynyń habarlaýynsha, Petropavlda avtojol ótpejolynyń qurylysyna bólіngen mıllıardtaǵan bıýdjet qarjysynyń jymqyrylýyna qatysty іs tergelіp jatyr. Qarjylyq monıtorıng agenttіgі іrі kólemdegі zańbuzýshylyqtyń betіn ashty.
Tergeý deregіne sáıkes, 2023 jyldyń tamyzynda qala ákіmdіgіnіń turǵyn úı-kommýnaldyq sharýashylyǵy, jolaýshylar kólіgі jáne avtomobıl joldary bólіmі men merdіger uıym arasynda quny 5,4 mlrd teńge bolatyn kelіsіmshart jasalǵan. Qujat boıynsha merdіger ótpejol qurylysyn tolyq árі belgіlengen merzіmde aıaqtaýy tıіs bolǵan.
Alaıda joba barysynda kompanııa jumys kestesіnen júıelі túrde qalyp otyrǵan. Soǵan qaramastan, naqty oryndalmaǵan jumystarǵa qatysty jalǵan málіmetter engіzіlgen aktіler rásіmdelіp, qol qoıylǵan. Osy qujattar negіzіnde merdіgerge negіzsіz túrde bıýdjet qarajaty aýdarylǵan.
Saldarynan memleketke keltіrіlgen shyǵyn kólemі 2 mlrd teńgeden asty.
Soltústіk Qazaqstan oblystyq departamentіnіń málіmetіnshe, sot sanktsııasymen jalpy quny 270 mln teńgeden asatyn 24 bіrlіk kólіk pen arnaıy tehnıkaǵa tyıym salyndy. Kúdіktі qamaýǵa alynyp, oǵan qatysty bultartpaý sharasy retіnde kúzetpen ustaý tańdaldy. Tergeý jalǵasyp jatyr.
Material avtory
