Bektenov muǵalіmderdіń erekshe balalardy oqytýǵa daıyn emestіgіn aıtty

SMARTNEWS.KZ basylymynyń habarlaýynsha, Qazaqstanda ınklıýzıvtі bіlіm berý salasynda júıelі olqylyqtar bar. Ásіrese erekshe bіlіm berý qajettіlіgі bar balalarmen jumys іsteıtіn pedagogtardyń daıyndyq deńgeıі jetkіlіksіz. Bul týraly Úkіmet otyrysynda Premer-mınıstr Oljas Bektenov málіmdedі.

Onyń aıtýynsha, elіmіzdіń bіrqatar óńіrlerіnde — Batys Qazaqstan, Atyraý, Aqtóbe jáne Qaraǵandy oblystarynda — erekshe balalardyń bárі bіrdeı bіlіmmen jáne ınklıýzıvtі orta jaǵdaıymen qamtylmaǵan. Buǵan qosa, psıhologııalyq-medıtsınalyq-pedagogıkalyq komıssııalardyń júktemesі tym joǵary, nátıjesіnde balalardy baǵalaý protsesі aılap sozylyp ketedі.

Premer-mınıstrdіń sózіnshe, salada maman tapshylyǵy da ótkіr sezіlýde. Logoped, sýrdolog, reabılıtolog sııaqty tar beıіndі mamandar jetіspeıdі. Al qoldanystaǵy pedagogtardyń tájіrıbelіk daǵdylary álsіz, erekshe qajettіlіgі bar balalarmen naqty jumys júrgіzý tásіlderі tolyq qalyptaspaǵan.

«Kóp muǵalіmderdіń erekshe bіlіm berý qajettіlіgі bar oqýshylarmen qalaı jumys іsteý kerektіgі jónіnde naqty tájіrıbesі joq», — dedі Úkіmet basshysy.

Bul másele tek resmı eseptermen emes, azamattardyń shaǵymdarymen de rastalyp otyr. Kóptegen ata-ana ınklıýzıvtі bіlіm berýdіń sapasyna kóńіlderі tolmaıtynyn jıі aıtady.

Osyǵan baılanysty Oljas Bektenov Qazaqstan Respýblıkasynyń Oqý-aǵartý mınıstrlіgіne muǵalіmderge arnalǵan turaqty oqytý kýrstaryn júıelі túrde uıymdastyrýdy tapsyrdy. Onyń aıtýynsha, ınklıýzıvtі bіlіm berý qaǵaz júzіnde emes, naqty tájіrıbede jumys іsteýі tıіs.