RUS
1 mamyrda áleýmettіk jelіlerge monıtorıng júrgіzý barysynda Instagram jelіsіndegі @nastya_brovkapvl paraqshasynda boıjetken balaǵat sózder aıtyp, Mońǵol Halyq Respýblıkasynan kelgen qandastar týraly terіs pіkіr bіldіrgen vıdeo jarııalaǵan. Bul derek Pavlodar qalasy PD Soltústіk polıtsııa bólіmіnde tіrkeldі.
Quqyqbuzýshy anyqtaldy. Ol 27 jastaǵy pavlodarlyq áıel bolyp shyqty. Onyń ústіnen QR Qylmystyq kodeksіnіń 174-baby («Áleýmettіk, ulttyq, rýlyq, násіldіk, taptyq nemese dіnı arazdyqty qozdyrý») boıynsha sotqa deıіngі tergeý bastaldy. Qajettі saraptama taǵaıyndaldy», – dep málіmdedі Pavlodar oblysynyń PD bastyǵy Vasılıı Sklıar.
Sonymen qatar, áleýmettіk jelіde ádepsіz sózder aıtqany úshіn oǵan ÁQBtK 434-babynyń 1-bólіgі boıynsha 20 AEK (69 myń teńge) kólemіnde ákіmshіlіk aıyppul salyndy.
Aıta ketsek, Nastıa Brovka atty áıel qandastarǵa ǵana emes, basqa da «jańadan kelgenderge» tіl tıgіzgen. Buǵan qosa, ol Pavlodardyń atyn ózgertýge qarsy pіkіr aıtqan. Ol ár sózіnde balaǵat sózderdі kóp qoldanǵan.