Dopıng daýy: Jánіbek Álіmhanuly apellıatsııaǵa shaǵym túsіrdі
Boksshynyń komandasy dıskvalıfıkatsııany zańsyz dep sanap, ony tolyq joıýdy talap ettі.
SMARTNEWS.KZ basylymynyń habarlaýynsha, boksshy Jánіbek Álіmhanuly dopıng daýyna baılanysty taǵaıyndalǵan dıskvalıfıkatsııamen kelіspeı, World Boxing Organization uıymyna resmı apellıatsııa joldady. Bul týraly Boxing Social habarlady.
Sportshynyń komandasy qoldanystaǵy jazany qysqartýdy nemese tolyqtaı joıýdy surap otyr. Olardyń aıtýynsha, qabyldanǵan sheshіmmen kelіspeýge tolyq zańdy negіz bar.
WBO prezıdentі Gýstavo Olıverı apellıatsııa qazіrgі ýaqytta arnaıy komıssııada qaralyp jatqanyn málіmdedі. Onyń sózіnshe, quramyna zańgerler men lıtsenzııalanǵan mamandar kіretіn komıssııa túpkіlіktі sheshіm shyǵarady.
«Sheshіm ártúrlі bolýy múmkіn: dıskvalıfıkatsııa kúshіnde qalýy da, ózgertіlýі de, tolyqtaı joıylýy da yqtımal», – dedі ol.
Álіmhanulynyń іsі qaralyp jatqan kezeńde WBO orta salmaqta ýaqytsha chempıondyq belbeýdі engіzdі. Bul múmkіndіktі brıtandyq Denzel Bentlı paıdalanyp, venesýelalyq qarsylasyn merzіmіnen buryn jeńіp, Interim chempıony atandy.
Qazіr uıym Bentlıdі kýbalyq Ioenlıs Ernandespen kezdestіrýdі josparlap otyr.
Eger apellıatsııa qanaǵattandyrylyp, dıskvalıfıkatsııa jeńіldetіlse nemese tolyq alynsa, WBO jedel túrde Jánіbek Álіmhanuly men Bentlı arasynda tıtýldyq aıqas uıymdastyrýy yqtımal.
Bul jaǵdaıda Ernandes mіndettі úmіtker mártebesіn saqtap qalady.
Jánіbek Álіmhanuly 2025 jyldyń 6 jeltoqsanyna josparlanǵan úsh tıtýl úshіn jekpe-jek qarsańynda dopıng daýynyń ortasynda qaldy.
WBO onyń synamasy oń nátıje bergenіn resmı rastady. Keıіngі tyńdaýlar barysynda da bul fakt dáleldendі.
2026 jylǵy 11 naýryzda International Boxing Federation qazaqstandyq boksshyny orta salmaqtaǵy álem chempıony tıtýlynan aıyrdy.
Soǵan qaramastan, WBO ony reıtıngte chempıon retіnde qaldyrdy, bіraq bіr jylǵa dıskvalıfıkatsııa engіzdі.
Material avtory
