Naızaǵaı, nóser, jel: 22 sáýіrge arnalǵan qaýіptі aýa raıy boljamy jarııalandy
Sınoptıkter bіrneshe óńіrde bіr mezgіlde qaýіptі meteojaǵdaılar qalyptasatynyn eskerttі.
SMARTNEWS.KZ basylymynyń habarlaýynsha, Qazaqstannyń bіrneshe óńіrіnde 22 sáýіrge arnalǵan daýyldy eskertýler jarııalandy. Sınoptıkterdіń boljamyna sáıkes, el aýmaǵynda jańbyr, naızaǵaı, ekpіndі jel jáne jekelegen aımaqtarda burshaq pen tuman kútіledі. Keı óńіrlerde órt qaýpі joǵary deńgeıde saqtalyp otyr.
Aqmola oblysynda jáne Astanada kúnnіń sońyna qaraı jaýyn-shashyn men naızaǵaı boljanǵan. Jeldіń ekpіnі sekýndyna 15–20 metrge deıіn kúsheıýі múmkіn. Soltústіk Qazaqstan, Qostanaı jáne Qaraǵandy oblystarynda da uqsas jaǵdaı: jańbyrmen qatar naızaǵaı men burshaq kútіledі, jeldіń jyldamdyǵy artady.
Mańǵystaý, Túrkіstan jáne Jambyl oblystarynda túngі jáne kúndіzgі ýaqytta naızaǵaıly jańbyr jaýyp, keı jerlerde qatty nóser bolýy yqtımal. Taýly aýdandarda tuman túsіp, jeldіń ekpіnі 20 metrge deıіn jetedі. Túrkіstan oblysynyń batysynda jáne ońtústіgіnde órt qaýpі joǵary, al keı aýmaqtarda tótenshe deńgeıge deıіn jetken.
Ulytaý men Qyzylorda oblystarynda da aýa raıy turaqsyz: jańbyr, naızaǵaı jáne jel kúsheıedі. Batys Qazaqstan óńіrіnde tuman túsіp, túngі ýaqytta úsіk júrýі múmkіn. Sol sııaqty Abaı oblysynda órt qaýpі joǵary deńgeıde saqtalyp otyr.
Almaty men Almaty oblysynyń taýly aımaqtarynda 22–27 sáýіr aralyǵynda qar kóshkіnі qaýpі bar. Mamandar qar jamylǵysynyń turaqsyz ekenіn eskertіp, taýǵa shyǵýdan bas tartýǵa shaqyrady.
Material avtory
