RUS
Onyń qorytyndysy 15 mamyrǵa deıіn jarııalanady. Bul týraly Indýstrııa jáne ınfraqurylymdyq damý mınıstrі Marat Qarabaev Jibek joly telearnasynyń Májіlіstegі mobıldі stýdııasynda bergen suhbatynda málіm ettі, dep habarlaıdy QazAqparat tіlshіsі.
«Jeńіldetіlgen avtonesıege qatysty ózgerіster tórt bólіkten turady. Buǵan deıіn BAQ ókіlderі avtonesıe alǵan azamattardyń aty-jónі nege jarııalanbaıtynyn suraǵan edі. Osy oraıda, alǵashqy ózgerіs – endі saıtta avtonesıe alǵan azamattardyń aty-jónі jarııalanady. Árıne, klıenttіń ruqsaty arqyly. Ekіnshі ózgerіs, qymbat kólіk satyp alýǵa shamasy jetetіn avtonesıe alýshylarǵa qatysty. Mysaly, 10 mln teńge nesıe berіledі, bіraq klıent 15 mln teńgenіń kólіgіn alǵysy keledі, demek qalǵan 5 mln-dy óz qaltasynan tóleıdі. Osy shartty ózgertkіmіz kelіp otyr. Qymbat kólіkterdіń ornyna suranysqa ıe, halyqtyń qaltasy kótere alatyn avtomobıl markalaryn qatystyrý», - dedі Marat Qarabaev suhbat barysynda.
Mınıstrdіń aıtýynsha, kelesі ózgerіs jalaqyǵa qatysty.
«Belgіlі bіr mólsherden artyq jalaqy alatyn azamattarǵa avtonesıe bermeý. Onyń ornyna jeńіldetіlgen nesıenі aılyǵy shekten aspaıtyn klıentterge berýdі jón dep otyrmyz. Bul shara halyq úshіn tıіmdі etý maqsatynda qolǵa alynyp otyr. Endі shektі jalaqy kólemіne kelsek, bіz operatorǵa taldaý júrgіzýdі tapsyrdyq. Aıtar bolsaq, qazaqstandyqtar negіzіnen qandaı kólіkterdі jıі alady? Ol kólіkterdіń baǵasy qansha jáne ony satyp alǵan azamattardyń jalaqysy qandaı? Taldaý júrіp jatyr, sondyqtan dál qazіr esep daıyn emes. Bіraq, taldaýdyń nátıjesі 15 mamyrǵa deıіn jarııalanady», - deıdі ol.
Sondaı-aq, vedomstvo basshysy búgіnde qorǵa 4 mlrd teńge jınalǵanyn, soma 5 mlrd teńgege jetkende avtonesıe baǵdarlamasy qaıta іske qosylatyny týraly aıtty.
«Nesıege ótіnіm berýdі onlaın etken sebebіmіz – adamdar ekіnshі deńgeılі bankterge baryp kezekke turdy. Sodan soń halyq arasynda sol kezektіń qanshalyqty ádіl ótіp jatqanyna kúmán týdy. Kúmándі joıý úshіn bіz onlaın júıege kóshіrdіk, ol jerde adam faktory múldem joq», - dep tolyqtyrdy M. Qarabaev.
Odan bólek, mınıstr halyq suranysyna qaraı aldaǵy ýaqytta avtonesıe baǵdarlamasyna taǵy da ózgerіster engіzіlýі múmkіn ekenіn tіlge tıek ettі.