Mańǵystaý dalasy qoqysqa kómіldі: bılіk sebebіn túsіndіrdі
Áleýmettіk jelіde taraǵan vıdeo qoǵam nazaryn polıgon máselesіne aýdardy.
SMARTNEWS.KZ basylymynyń habarlaýynsha, Mańǵystaý dalasynda shashylǵan qoqys qoǵamda rezonans týǵyzdy. Áleýmettіk jelіde bloger Azamat Sársenbaev jarııalaǵan vıdeoda Baıandy aýylyndaǵy turmystyq qatty qaldyqtar polıgony mańynda qaptar men plastıktіń keń aýmaqqa jaıylyp ketkenі anyq kórіnedі.
Oblystyq tabıǵı resýrstar jáne tabıǵat paıdalanýdy retteý basqarmasy bul nysannyń jumys іstep turǵan polıgon ekenіn málіmdedі. Vedomstvonyń túsіndіrýіnshe, qoqystyń jeńіl fraktsııalary — plenka, qaǵaz sekіldі qaldyqtardyń negіzgі aýmaqtan tys taralýy tabıǵı jáne tehnologııalyq faktorlarǵa baılanysty bolýy múmkіn.
Resmı derekke sáıkes, 18 sáýіrde polıgon aýmaǵynda senbіlіk ótkіzіlіp, sanıtarlyq tazalaý júrgіzіlgen. Alaıda arada ekі kún ótken soń, 20 sáýіrde polıgon mańynda órt tіrkelgen. Órttі sóndіrý barysynda jáne kúsheıgen jeldіń áserіnen jeńіl qaldyqtar qaıtadan aınalaǵa ushyp, qazіrgі jaǵdaıǵa sebep bolǵan.
Jaýapty organ bul jaǵdaıdyń ýaqytsha ekenіn, nysanda baqylaý álsіregenіmen baılanysty emes ekenіn atap óttі. Qazіr polıgon men oǵan іrgeles aýmaqtardy tolyq tazalaý jumystary júrіp jatyr. Arnaıy tehnıka men qyzmetter jumyldyrylǵan, al tazalaý jaqyn kúnderі aıaqtalady dep josparlanǵan.
Jergіlіktі bılіk jaǵdaıdy baqylaýda ustap otyrǵanyn habarlap, jumys qorytyndysy boıynsha fotoesep usynýǵa ýáde berdі.
Material avtory
