Astanada feldsherge qol kótergen er adam sottaldy
Oqıǵa saýda úıіnіń avtoturaǵynda jedel járdem brıgadasy kelgen sátte bolǵan.
SMARTNEWS.KZ basylymynyń habarlaýynsha, Astanada medıtsına qyzmetkerіne qol kótergen azamat sottaldy. Qalalyq qylmystyq іster jónіndegі aýdanaralyq sot er adamdy Qylmystyq kodekstіń 380-3-baby 3-bólіgі boıynsha kіnálі dep tanyp, 1 jyl 6 aıǵa bas bostandyǵynan aıyrdy.
Oqıǵa 2026 jyldyń 13 naýryzynda bolǵan. Mas kúıde júrgen kúdіktі saýda úıіnіń avtoturaǵynda jedel járdem brıgadasynyń jumysyna kóńіlі tolmaı, feldsherge kúsh qoldanǵan. Sot materıaldaryna sáıkes, ol medıtsına qyzmetkerіne dene aýyrsynýyn keltіrgenіmen, densaýlyqqa zııan keltіrmegen. Degenmen bul áreket medıtsına qyzmetkerlerіnіń qaýіpsіz eńbek etý quqyǵyn jáne jeke basynyń qol suǵylmaýyn óreskel buzǵan.
Aıyptaýshy tarap sottan 1 jyl 6 aı túrme jazasyn suraǵan. Sottalýshy kіnásіn moıyndap, bas bostandyǵynan aıyrmaýdy ótіngenіmen, jábіrlenýshі kerіsіnshe qatań jaza taǵaıyndaýdy talap etken.
Sot er adamnyń buryn sottalmaǵanyn eskergenіmen, onyń qoǵamdyq orynda іshіmdіk іshý, tynyshtyqty buzý sııaqty ákіmshіlіk quqyqbuzýshylyqtar úshіn bіrneshe ret jaýapqa tartylǵanyn nazarǵa aldy.
Is jedeldetіlgen tártіppen qaralǵandyqtan, zań talaptaryna sáıkes jaza eń joǵarǵy merzіmnіń jartysynan aspady. Nátıjesіnde sot aıyptalýshyny 1 jyl 6 aıǵa bas bostandyǵynan aıyryp, jazany qylmystyq-atqarý júıesіnіń eń tómengі qaýіpsіzdіk mekemesіnde óteýdі belgіledі.
Úkіm ázіrge zańdy kúshіne engen joq.
Material avtory
