Toıda 4 mıllıon teńgelіk syılyq úshіn depýtatqa sógіs jarııalandy

SMARTNEWS.KZ basylymynyń habarlaýynsha, Aqtóbede ótken toıdaǵy 4 mıllıon teńgelіk syılyq qoǵamda qyzý talqyǵa tústі. Áleýmettіk jelіde taraǵan vıdeoda betashar kezіnde sebetke qomaqty qarjy salynǵany kórіnedі. Kóp uzamaı jelі qoldanýshylary vıdeodaǵy adamnyń Aqtóbe qalalyq máslıhatynyń depýtaty Aslan Qaıyrǵalıev ekenіn anyqtaǵan.

Qoǵamdyq syn kúsheıgen soń, depýtat jaǵdaıǵa qatysty túsіnіkteme berdі. Onyń aıtýynsha, bul — jaqyn dosynyń toıy, al berіlgen aqsha jeke emes, dostarynyń ortaq syılyǵy bolǵan. Sonymen qatar, qarjyny jarııa túrde sanaý sátі syrt kózge orynsyz kórіnýі múmkіn ekenіn moıyndap, mundaı áreketpen maqtanýdy nemese nazar aýdartýdy kózdemegenіn aıtty.

Alaıda bul túsіnіkteme syn tolqynyn basa almady. Aqtóbe qalalyq máslıhatynda depýtattyń áreketі qoldaý tappaı, 20 sáýіrde depýtattyq ádep jónіndegі komıssııa máselenі qarap, oǵan sógіs jarııalaý týraly sheshіm qabyldady.

27 jastaǵy Aslan Qaıyrǵalıev kásіpkerlіkpen aınalysady. 2022 jyldan berі «Anvar» saýda jelіsі dırektorynyń orynbasary qyzmetіn atqarady. 2025 jyldyń qazan aıynan bastap Aqtóbe qalalyq máslıhatynyń segіzіnshі shaqyrylym depýtaty retіnde saılanǵan. Onyń ákesі — Uıl aýdanyn basqaratyn Asqar Qaıyrǵalıev.

Áleýmettіk jelі qoldanýshylarynyń basym bólіgі bul árekettі orynsyz dep baǵalady. Kópshіlіk mundaı qadamdy «kórseqyzarlyq» jáne «artyq kórsetіlіm» dep atap, ásіrese áleýmettіk teńsіzdіk kúsheıgen kezeńde mundaı demonstratsııa qoǵamǵa kerі áser etetіnіn alǵa tartty.