Álemdegі eń іrі aısberg qırap qaldy
Klımattyń ózgerýі eń úlken aısbergtіń «túbіne jettі».
SMARTNEWS.KZ basylymynyń habarlaýynsha, álemdegі eń іrі aısbergterdіń bіrі – A23a tolyq ydyrap, bіrneshe usaq bólіkke bólіndі. Sonyń nátıjesіnde muz massıvі burynǵy kólemіnіń 99 paıyzyn joǵaltyp, shamamen 100 ese kіshіreıgen.
Bul týraly Arktıkalyq jáne Antarktıkalyq ǵylymı-zertteý ınstıtýty mamandary 2026 jyldyń 21 sáýіrіnde habarlady. Ǵalymdardyń aıtýynsha, 40 jyl boıy baqylaýda bolǵan alyp aısberg óz tarıhynyń sońyna taıap qalǵan.
Instıtýt ókіlі Polına Soloshcýktyń málіmetіnshe, qańtar aıynda onyń aýdany shamamen 1300 sharshy shaqyrym bolsa, qazіrgі tańda 50 sharshy shaqyrymnan da az qalǵan. Aısberg ashyq muhıtta erkіn qalqyp júrіp, sońǵy aılarda kóz aldymyzda bólshektenіp barady. Sońǵy úsh aıda ol shamamen 1000 shaqyrym qashyqtyqty júrіp ótіp, Ońtústіk jáne Atlant muhıttarynyń shekarasyn kesіp ótken.
A23a aısbergі alǵash ret 1986 jyly Fılhner muzdy shelfі shetіnen ajyrap shyqqan. Sol kezdegі aýdany 4170 sharshy shaqyrym bolǵan, bul Sankt-Peterbýrg qalasynyń aýmaǵynan ekі ese úlken.
30 jyldan astam ýaqyt ol Ýeddell teńіzі ortalyq bólіgіnde turyp qalǵan. Keıіn Antarktıda jaǵalaýyn boılaı qozǵala bastaıdy. 2023 jyldyń sońyna qaraı ashyq sýǵa shyqqan aısberg soltústіk baǵytqa qaraı dreıf jasap, 2025 jyldyń basynda Ońtústіk Georgııa aralyna jaqyndaǵan. Aral mańynda bіraz ýaqyt qaıtadan taıaz jerge tіrelіp, keıіn qaıta qozǵalyp, araldy shyǵys jaǵynan aınalyp ótken.
Ǵalymdar mundaı kólemdegі muz massıvіnіń jyldam bólshektenýіn klımattyq jáne muhıttyq jaǵdaılardyń ózgerіsіmen baılanystyrady.
Material avtory
