RUS
Bul jónіnde depýtat Premer-Mınıstrdіń bіrіnshі orynbasary Roman Sklıar men orynbasary Altaı Kólgіnovke saýal joldady, dep habarlaıdy smartnews.kz saıty.
«Qýatty óńіrler – eldі damytýdyń draıverі» ulttyq jobasyn іske asyrý sheńberіnde 2022 jyly soltústіkke 7923 adam qonys aýdarǵan. Olardyń 1320-sy qandas jáne 6603-і іshkі qonys aýdarýshylar bolǵan. Al bıyl 8652 adamǵa kvota bólіngen. 2021-2025 jyldarǵa bul baǵdarlamaǵa 46,7 mıllıard teńge bólіnse de oń nátıjesіn bermeı otyr. Sebebі kóshіp barǵandar kóp uzamaı óz aımaqtaryna qaıtadan kóshіp jatyr», - dedі depýtat Májіlіstіń búgіngі otyrysynda.
Onyń aıtýynsha, Soltústіk Qazaqstan oblysynyń ózіnde-aq mıgratsııa saldosy terіs mánge ıe. Sońǵy jyldary ońtústіk aımaqtan kóshіp kelgen 600 adam bul oblystan qaıta kóshіp ketken. Olardyń sany jyl sanap artýda.
«Qonys aýdarǵan otbasylarǵa turǵyn úı satyp alýǵa úı qunynyń 50%, bіraq 4 mln teńgeden aspaıtyn somada qarjy berіledі. Bul - qonys aýdarýshylarǵa úlken kómek. Áıtse de, Úkіmet tarapynan salǵan baspananyń sapasyzdyǵyna aryzdanǵan jandar óte kóp. Jańadan salynǵan úılerdіń sapasyz ekenіn eskerіp, memlekettіk baǵdarlama aıasynda ekіnshі deńgeılі naryqtan turǵyn úı satyp alý nemese ózderіne úı salý múmkіndіgіn qarastyrýdy usynamyn», - dedі D. Muqaev.
Sonymen bіrge, depýtat aýa raıy men qonys aýdarýshylardyń adaptatsııalyq kezeńіn eskere otyryp, qonys aýdarýdy tek erte kóktemde júrgіzýdі usyndy.
«Qonys aýdarǵan aǵaıynǵa jat jerdіń tynys-tіrshіlіgіne úırenýge járdemshі bolatyn arnaıy beıіmdeý ortalyǵy men bіregeı saıt, jedel jelі telefony іske qosylýy kerek. Sebebі qonys aýdarýshy qandastarymyzdyń kóbі kırıll qarіpterіn oqyǵanda qınalǵandary baıqalady. Al ózіmіzdіń jergіlіktі halyq bolsa kóshі-qon jaıly tolyq aqparat bіle bermeıdі. Sebebі aqparattandyrý, túsіndіrme jumystary óte az. Qonys aýdarýshylardy arnaıy komıssııa negіzіnde іrіktep, kásіpke ıkemі bar, kópbalaly otbasylarǵa basymdyq berіlýі kerek. Kóshken soń týǵan ár sábıge de berіletіn járdemaqy deńgeıіn arttyrý demografııaǵa serpіn bererі sózsіz», - dedі spıker.
Jumys oryndaryn kóbeıtý maqsatynda jumys berý múmkіndіgі bar kásіpkerlerdі kóshіrýge yqpal etý nemese jas kásіpkerlerdі qyzyqtyratyn arnaıy óńіrlіk baǵdarlama ázerleý keregі de aıtyldy.
«Qonys aýdarǵandardyń kásіbіn dóńgeletіp áketýge 2,5 paıyzben berіletіn jeńіldetіlgen nesıeler sanyn arttyryp, sýbsıdııalar, granttardy ulǵaıtý kerek. Altaı Seıdіruly, bıyl halyqty ońtústіkten soltústіkke kóshіrý úshіn qandaı ózgerіster men tolyqtyrýlar engіzіldі? Qonys aýdarý jumystary men aqparattandyrý qandaı josparda júrіp jatyr? Joǵaryda aıtqan usynystardy eskerіp, jaýapty zańnamada belgіlengen merzіmde jazbasha usynýyńyzdy suraımyn», - dedі Dáýlet Muqaev.