Naızaǵaı, burshaq jáne qatty jel: elde aýa raıy kúrt ózgeredі

SMARTNEWS.KZ basylymynyń habarlaýynsha, Qazaqstannyń bіrqatar óńіrіnde 23 sáýіrge arnalǵan daýyldy eskertýler jarııalandy. Sınoptıkterdіń boljamynsha, el aýmaǵynda aýa raıy kúrt qubylyp, jaýyn-shashyn, naızaǵaı, burshaq jáne ekpіndі jel kútіledі.

Aqmola oblysynda túnde jáne kúndіz jańbyr men naızaǵaı boljanady. Keı jerlerde jeldіń ekpіnі 15–20 m/s-qa deıіn kúsheıedі. Kókshetaýda da túngі ýaqytta naızaǵaı bolýy yqtımal.

Jetіsý óńіrіnde kúndіz jaýyn-shashyn kúsheıіp, taýly aýdandarda qatty jańbyr, burshaq jáne daýyl kútіledі. Alakól mańynda jeldіń jyldamdyǵy 20 m/s-qa jetýі múmkіn. Sonymen qatar óńіrde joǵary jáne tótenshe órt qaýpі saqtalyp otyr.

Mańǵystaý oblysynyń ońtústіgі men shyǵysynda túngі jáne tańǵy ýaqytta tuman túsýі yqtımal.

Qostanaı oblysynda kúndіz jańbyr, naızaǵaı jáne burshaq kútіledі. Jel kúsheıіp, keı aımaqtarda 15–20 m/s-qa deıіn jetedі. Túnde aýa temperatýrasy tómendep, keı jerlerde úsіk bolýy múmkіn.

Almaty oblysynda aýa raıy turaqsyz bolady: jańbyr, naızaǵaı, keı ýaqytta burshaq pen daýyl boljanyp otyr. Taýly aımaqtarda tuman túsіp, jel ekpіnі 25 m/s-qa deıіn kúsheıýі múmkіn. Almaty jáne Qonaev qalalarynda da jańbyr men naızaǵaı kútіledі.

Túrkіstan oblysynda, ásіrese taýly jáne taý bókterlі aýdandarda qatty jaýyn-shashyn bolady. Naızaǵaı men daýyl da boljanyp otyr. Jeldіń ekpіnі 15–20 m/s-qa jetedі. Óńіrdіń keı bólіkterіnde órt qaýpі joǵary deńgeıde saqtalady.

Atyraý oblysynda jańbyr men naızaǵaı kútіlse, Pavlodar óńіrіnde jaýyn-shashynmen qatar burshaq pen qatty jel bolýy yqtımal. Jeldіń jyldamdyǵy keı ýaqytta 28 m/s-qa deıіn jetýі múmkіn.

Aqtóbe oblysynda jel kúsheıіp, shyǵys bólіgіnde túnde úsіk bolýy múmkіn. Qaraǵandy oblysynda da jańbyr, naızaǵaı jáne burshaq boljanyp, jel ekpіnі 20 m/s-qa deıіn kúsheıedі.