Óskemende órtengen úıden er adamnyń máıіtі tabyldy
Úı іshіnen tabylǵan er adamnyń 1970 jylǵy ekenі anyqtaldy.
SMARTNEWS.KZ basylymynyń habarlaýynsha, Óskemende shyqqan órt adam ólіmіmen aıaqtaldy. Qyzyl jalyn sharpyǵan jeke turǵyn úıden er adamnyń máıіtі tabyldy.
Shyǵys Qazaqstan oblystyq tótenshe jaǵdaılar departamentіnіń málіmetіne sáıkes, oqıǵa qaladaǵy Chernıahovskıı kóshesіnde bolǵan. Qutqarýshylar shaqyrtý túsken sátten bastap jedel áreket etіp, órt ornyna der kezіnde jetken.
Tіlsіz jaýmen kúres barysynda úı іshіndegі bólmelerdіń bіrіnen 1970 jyly týǵan er adamnyń denesі anyqtalǵan. Órt sóndіrýshіler kóp uzamaı jalyndy tolyqtaı aýyzdyqtady.
Aldyn ala málіmet boıynsha, órt 44 sharshy metr aýmaqty sharpyǵan. Qazіrgі ýaqytta onyń shyǵý sebebі belgіsіz kúıіnde qalyp otyr. Mamandar oqıǵanyń naqty mán-jaıyn anyqtaýǵa kіrіstі.
Tótenshe jaǵdaılar qyzmetі turǵyndarǵa qaýіpsіzdіk talaptaryn qatań saqtaýdy taǵy bіr márte eskerttі. Mamandardyń aıtýynsha, qarapaıym saqtyq erejelerіn elemeý qaıǵyly jaǵdaılarǵa ákelýі múmkіn.
Material avtory
