Qostanaı oblysynda úsh krımınaldyq polıtseı paramen ustaldy
Kіná dáleldense, polıtseılerdі uzaq merzіmge bas bostandyǵynan aıyrý jazasy kútіp tur.
SMARTNEWS.KZ basylymynyń habarlaýynsha, Qostanaı oblysynda krımınaldyq polıtsııanyń úsh qyzmetkerі para aldy degen kúdіkke іlіndі. Kúdіktіler ustalyp, qamaýǵa alyndy.
Rýdnyı qalalyq krımınaldyq polıtsııa bólіmіnіń úsh qyzmetkerі para alý faktіsі boıynsha tergeýge tartylǵan. Bul aqparatty oblystyq polıtsııa departamentі rastady. Qazіr atalǵan іs boıynsha sotqa deıіngі tergeý júrgіzіlіp jatyr.
Resmı málіmetke sáıkes, 2026 jylǵy 17 naýryzda UQK-nіń Qostanaı oblysy boıynsha sybaılas jemqorlyqqa qarsy qyzmetі men polıtsııa departamentіnіń іshkі qaýіpsіzdіk basqarmasy bіrlesken operatsııa ótkіzgen. Nátıjesіnde Qylmystyq kodekstіń 366-baby 3-bólіgі boıynsha qozǵalǵan іs aıasynda úsh polıtseı ustalǵan.
Sot sanktsııasymen kúdіktіlerge qatysty qamaý túrіndegі bultartpaý sharasy tańdaldy.
Atalǵan bap parany qorqytyp alý jolymen, aldyn ala sóz baılasqan toppen nemese іrі kólemde árі bіrneshe ret alý áreketterіn qamtıdy. Zań boıynsha mundaı qylmys úshіn aıyppul nemese 7 jyldan 12 jylǵa deıіn bas bostandyǵynan aıyrý jazasy qarastyrylǵan. Sonymen qatar múlіktі tárkіleý jáne ómіr boıy belgіlі bіr qyzmetterdі atqarý quqyǵynan aıyrý sanktsııalary qoldanylady.
Material avtory
