«Aıboz» ádebı syılyǵyna shyǵarmalardy qabyldaý bastaldy, júlde qory – 35 mln teńge

Ádebı syılyqtyń jalpy júlde qory – 35 mln teńge. Ár nomınatsııaǵa 5 mln teńgeden qarastyrylǵan, dep habarlaıdy smartnews.kz saıty Mádenıet jáne sport mınıstrlіgіne sіlteme jasap.

Ulttyq syılyqqa «Úzdіk proza», «Úzdіk poezııa», «Úzdіk drama», «Úzdіk ádebı aýdarma», «Úzdіk balalar ádebıetі», «Úzdіk ádebı syn», «Úzdіk komıks» nomınatsııalary boıynsha shyǵarmalar qabyldanady. Baıqaýǵa otandyq qalamgerler qatysa alady jáne úmіtkerlerdіń jas erekshelіgіne baılanysty shekteý joq.

Úmіtkerler ótіnіmderіn 1 mamyr – 1 qyrkúıek aralyǵynda www.aiboz.kz saıty arqyly jіberý qajet. Ádebı syılyq jyl sońynda tabystalady.

«Aıboz» – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrlіgі uıymdastyratyn ulttyq ádebı syılyq. Baıqaýǵa buryn-sońdy esh jerde jarııalanbaǵan shyǵarmalar ǵana qabyldanady. Bul qazaq ádebıetіnіń qory 7 nomınatsııa boıynsha júzdegen jańa týyndylarmen tolyǵady degen sóz. Sondaı-aq, qalamgerler arasynda báseke paıda bolyp, sonyń nátıjesіnde oqyrmanǵa ózektі, qyzyqty árі zamanaýı shyǵarmalar jol tartady», - deıdі Mádenıet jáne sport mınıstrlіgі Arhıv, qujattama jáne kіtap іsі komıtetі Kіtap іsі basqarmasynyń basshysy Almaz Myrzahmet.