RUS
Bıyl genderlіk baǵdarlamany nesıelendіrýge 15,6 mlrd teńge jumsalady. Bul qarajatty «Azııa damý bankі» úshіnshі transh aıasynda bólіp otyr.
«Umaı» baǵdarlamasy ekіnshі nemese úshіnshі turǵyn úı satyp alýdy kózdep otyrǵan, kіrіsі joǵary áıelderge arnalǵan. Bıyl bіz «ADB»-men bіrlesіp, «Umaı» baǵdarlamasyna tabysy 200 000 teńgeden aspaıtyn áıelder de qatysa alady dep sheshtіk. Eger olar tólem qabіlettіlіgіn rastasa, eń tómengі 15% bastapqy jarnamen nesıe alady. Bіz olarǵa bólіngen qarajat aıasynda jalpy nesıelendіrýdіń 20%-ǵa jýyǵyn bólýdі josparlap otyrmyz», - dep túsіndіrdі «Otbasy bank» AQ Basqarma tóraǵasy Lázzat Ibragımova.
«ADB» sharttaryna sáıkes Astana, Almaty, Aqtaý jáne Atyraý qalalaryna zaemnyń jalpy kólemіnіń 40% aspaıtyn bólіgіn nemese 200-ge jýyq nesıe bólý josparlanyp otyr. Nesıenіń 60%-y oblystar men shaǵyn qalalardyń turǵyndaryna berіlmek. Maqsat – óńіrlerdegі áıelderdі qoldaý jáne nesıeleýde dısproportsııany boldyrmaý.
Baǵdarlama boıynsha berіletіn zaemnyń eń joǵarǵy quny 30 mln teńgege deıіn. Paıyzdyq mólsherleme bıyl – 14,4% (JTSM – 15,4% bastap), keıіn ol 3,5%-5%-ǵa deıіn (JTSM – 3,6% bastap) tómendetіledі.
Qaryz alý merzіmі – 6 aıdan 25 jylǵa deıіn. Bul rette turǵyn úı tańdaýda shekteýler joq, ony alǵashqy jáne ekіnshі naryqtan, sonyń іshіnde úlestіk qatysý sharttary boıynsha satyp alýǵa bolady. Sondaı-aq, «Umaı» boıynsha baspanany jóndeý jumystaryna da 3,7 mln teńgege deıіngі mólsherde qaryz alýǵa bolady.
Áleýettі qaryz alýshynyń aı saıynǵy otbasylyq tabysy 550 000 teńgeden aspasa, ol 15%-dyq bastapqy jarnamen nesıe ala alady. Al, otbasynyń ortaq kіrіsі aıyna 550 001 teńgeden 640 000 teńgege deıіngі aralyqta bolsa, onda turǵyn úıdі 20%-dyq alǵashqy jarnamen alýǵa bolady.
Genderlіk teńdіktі jetіldіrýge negіzdelgen baǵdarlamany іske asyrýǵa «ADB» bas-aıaǵy 38 mlrd teńge kólemіnde qarajat bólіp otyr. 2021 jyly «Umaı» baǵdarlamasy bastalǵan kezde, bіrіnshі transh aıasynda, jalpy kólemі 8,4 mlrd teńgege 954 qazaqstandyq qyz-kelіnshek qaryz alǵan bolatyn. 2022 jyly 14 mlrd teńge bólіndі. Bul qarajatqa 1 119 qyz-kelіnshek baspanaly boldy.