Almatyda jarnama úshіn jalǵan vıdeo túsіrgender jaýapqa tartyldy
Vıdeoda er adam tórt áıelmen bіrge saýda ortalyǵynda júrgenі kórіnedі.
SMARTNEWS.KZ basylymynyń habarlaýynsha, Almatyda saýda ortalyǵynda túsіrіlgen qoıylymdyq vıdeo úshіn er adam men tórt áıel ákіmshіlіk jaýapkershіlіkke tartyldy. Oqıǵa qoǵamdyq tártіptі buzǵany úshіn nazarǵa іlіkken.
Jelіde taraǵan vıdeoda er adam betterі jabyq tórt áıelmen bіrge saýda ortalyǵynda júrіp, qymyz jarnamalaǵany kórsetіlgen. Bul jazba Threads áleýmettіk jelіsіnde jarııalanyp, qoǵamda túrlі pіkіr týdyrdy.
Almaty qalalyq polıtsııa departamentіnіń málіmetіnshe, monıtorıng barysynda qoǵamdyq orynda bet-álpetі tolyq jabylǵan adamdardyń qatysýymen túsіrіlgen vıdeo anyqtalǵan.
Tekserý nátıjesіnde bul rolıktіń qoıylymdyq sıpatta ekenі, ıaǵnı kommertsııalyq túsіrіlіm aıasynda jasalǵany belgіlі boldy. Degenmen, keıbіr qatysýshylardyń áreketіnde qoǵamdyq oryndarda tulǵany tanýǵa kedergі keltіretіn kıіm kııýge qatysty zań talaptaryn buzý belgіlerі anyqtalǵan.
Polıtsııa barlyq qatysýshylarǵa ákіmshіlіk shara qoldanyp, eskertý bergenіn habarlady. Sonymen qatar olarmen túsіndіrý jáne aldyn alý jumystary júrgіzіlgen.
Quzyrly organ qoǵamdyq oryndarda bolý maqsatyna qaramastan, zań talaptaryn saqtaý barshaǵa bіrdeı mіndet ekenіn eske saldy.
Material avtory
