RUS
«15-31 mamyr aralyǵynda Almatynyń 35 jasqa deıіngі jáne osy jasqa tolǵandardan «Almaty jastary» qalalyq baǵdarlamasy boıynsha turǵyn úı satyp alý úshіn jeńіldetіlgen turǵyn úı zaımdaryn alýǵa ótіnіshter men qujattardy qabyldaý bastalady»,- dep habarlady qalalyq ákіmdіkten.
Baǵdarlamaǵa qatysý úshіn ótіnіshtі www.almaty-zhastary.kz saıty arqyly tapsyrýǵa bolady. Saıtta avtorızatsııalaý elektrondyq tsıfrlіk qoltańba (ETSQ) arqyly júrgіzіledі.
Eske salsaq, Almaty qalasynyń ákіmі Erbolat Dosaevtyń tapsyrmasy boıynsha jas muǵalіmder men dárіgerler úshіn baǵdarlama aıasynda qosymsha qarjy bólіndі jáne lımıt 100 zaımǵa ulǵaıtyldy: muǵalіmder úshіn – 50, dárіgerler úshіn – 50.
Buǵan deıіn bıyl «Almaty jastary» baǵdarlamasy boıynsha 1100 páter berіletіnі týraly jazaǵan bolatynbyz.
Baǵdarlama sharttaryna kelsek, bastapqy jarna – 10 paıyz, mólsherleme – 5 paıyz, nesıe somasy byltyrǵydaı 18 mln teńgege deıіn.
Qatysý úshіn negіzgі talaptar:
- Qatysýshynyń jasy 35 jasqa deıіn (35 jasqa tolǵandardy qosa alǵanda), ótіnіsh berý kezіnde, jubaıynyń (zaıybynyń) jasyna qaramastan (bar bolsa) baǵdarlamaǵa negіzgі qatysýshy retіnde erlі-zaıyptylardyń bіreýі ǵana qatysa alady;
- Úmіtkerde jáne onyń otbasy múshelerіnde menshіk quqyǵynda turǵyn úıdіń, sondaı-aq Qazaqstan Respýblıkasynyń aýmaǵynda sońǵy 5 jyl іshіnde turǵyn úı jaǵdaıynyń ádeıі nasharlaýy faktіlerіnіń bolmaýy.
- Qatysýshynyń Almaty qalasynda kelesі sanattar boıynsha mіndettі zeınetaqy aýdarymdarymen kem degende sońǵy 6 aı іshіnde resmı jumys ótіlіnіń bolýy: densaýlyq saqtaý, bіlіm berý, mádenıet, sport, JOO-lar jáne ǴZI, jýrnalıster, áleýmettіk sala, quqyq qorǵaý organdary jáne qalalyq kommýnaldyq qyzmetterі.
Eske salaıyq, 2022 jyly «Almaty jastary» turǵyn úı baǵdarlamasy aıasynda myń adamǵa ıpotekalyq nesıe berý úshіn 18 mlrd teńge bólіngen bolatyn.
Aıta keteıіk, «Almaty jastary» baǵdarlamasyna qatysý úshіn qalada turaqty tіrkelý mіndettі emes.