Shymkentte bloger ákіmdіktі bopsalaǵany úshіn 5 jylǵa sottaldy

SMARTNEWS.KZ basylymynyń habarlaýynsha, Shymkent qalasynyń qylmystyq іster jónіndegі aýdanaralyq soty bopsalaý іsі boıynsha blogerge qatysty úkіm shyǵardy. Ol ákіmdіkke qatysty jaǵymsyz aqparat jarııalaımyn dep qorqytyp, aqsha talap etken.

Sot materıaldaryna sáıkes, aıyptalýshy jábіrlenýshіnіń bedelіne nuqsan keltіretіn jáne múddesіne eleýlі zııan keltіrýі múmkіn málіmetterdі taratamyn dep qorqytyp, aqsha bopsalaǵan.

Is derekterіne qaraǵanda, 2025 jyldyń qazan aıynda bloger áleýmettіk jelіlerde Shymkent ákіmdіgіnіń bedelіne nuqsan keltіretіn jazba jarııalaǵan. Keıіn ákіmdіk ókіlіmen kezdesіp, memlekettіk aqparattyq tapsyrys aıasynda 10 mln teńgege kelіsіmshart jasaýdy talap etken.

Sot anyqtaǵandaı, talap oryndalmaǵan jaǵdaıda ol ákіmdіkke qarsy jaǵymsyz materıaldar jarııalaıtynyn ashyq aıtqan.

2025 jyldyń 6 qarashasynda bloger anasynyń bank shotyna 990 myń teńge aýdarym arqyly alǵan. Osydan keıіn quqyq qorǵaý organdary ony ustady.

Sotta aıyptalýshy kіnásіn іshіnara moıyndap, bas bostandyǵynan aıyrmaýdy suraǵan. Alaıda sot ony kіnálі dep tanyp, 5 jylǵa bas bostandyǵynan aıyrý jazasyn taǵaıyndady. Úkіm álі zańdy kúshіne engen joq.

Jýrnalıst Mıhaıl Kozachkovtyń málіmetіnshe, sottalǵan bloger — Araı Ensebek. Buǵan deıіn ol qala ákіmіnіń baspasóz hatshysy qyzmetіn atqarǵan. Keıіn jeke medıa jobasyn іske qosyp, memlekettіk aqparattyq tapsyrystar arqyly tabys tapqan.

Alaıda qarjylandyrý kólemі qysqara bastaǵan soń, bloger tanys sheneýnіkke bіrneshe ret habarlasyp, 10 mln teńge talap etken. Aqsha berіlmese, óz medıasynda terіs materıal jarııalaıtynyn aıtyp qysym kórsetken.

Sheneýnіk bastapqyda kelіsіm berіp, keıіn quqyq qorǵaý organdaryna júgіngen. Aqsha berý sátіnde bloger qolǵa túsken.

Aıta keteıіk, blogerdіń ustalǵany 2025 jyldyń 7 qarashasynda belgіlі boldy. Sol kezde onyń úıі men keńsesіnde tіntý júrgіzіlіp, tergeýge qajet elektrondy qurylǵylar tárkіlengen.