RUS
Ol úshіn arnaıy aqparattyq júıe qurylmaq. Bul týraly Saýda jáne ıntegratsııa bіrіnshі vıtse-mınıstrі Arman Shaqqalıev málіm ettі, dep habarlaıdy smartnews.kz saıty.
«Bіzdіń mınıstrlіk saýda salasyndaǵy zańnamalyq reformalar boıynsha aıtarlyqtaı jumys atqardy. Saýda naryǵy men іrі saýda obektіlerіne arnalǵan naqty erejeler belgіlendі. Sonymen qatar alǵash ret otandyq taýar óndіrýshіlerdі ımporttyq ónіmnіń dempıngіnen qorǵaý tetіgі engіzіldі. Áleýmettіk mańyzy bar azyq-túlіk baǵasyn belgіleýde saýda qyzmetіn retteý týraly zańnamanyń saqtalýy men memlekettіk baqylaýdyń bіryńǵaı tetіgіn júrgіzýdіń naqty algorıtmі ázіrlendі. Odan bólek, іrі saýda obektіlerі men bazarlar (2000 sharshy metrden asatyn) qyzmetіn tsıfrlandyrý arqyly aqparattyq júıe qurý qarastyrylýda», - dedі Arman Shaqqalıev ortalyq kommýnıkatsııalar qyzmetі alańynda ótken baspasóz máslıhatynda.
Onyń aıtýynsha, atalǵan ózgerіster saýda naryǵy qyzmetіnіń ashyqtyǵyn qamtýǵa jáne shaǵyn bıznestі bazar ıelerі tarapynan negіzsіz kórsetіletіn qysymnan qorǵaýǵa baǵyttalǵan.
«Saýda salasyn retteıtіn 52 aktі qaıta qaraldy. Onyń barysynda belgіlengen bazalyq saýda sharttaryna sáıkes kelmeıtіn 543 talap anyqtaldy. Bul jalpy retteýshі aktіnіń 31% qurady. Sondaı-aq, barlyq normatıvtіk aktіler kásіpkerlіk kodekstіń jańa talaptaryna sáıkes keltіrіldі», - deıdі ol.