Myńǵa jýyq almatylyq Aıýsaıdy tazalady: «Taza Qazaqstan» aktsııasy aıasynda 450 m³ qaldyq shyǵaryldy
«Taza Qazaqstan»: Almatydaǵy Aıýsaı shatqalynda senbіlіk óttі
Almatyda «Taza Qazaqstan» jalpyulttyq ekologııalyq aktsııasy aıasynda keń aýqymdy senbіlіk uıymdastyryldy. Is-shara ótken negіzgі oryndardyń bіrі – kórkem tabıǵatymen tanymal Aıýsaı shatqaly boldy.
Senbіlіkke memlekettіk mekemelerdіń ókіlderі, ekologııalyq jáne qoǵamdyq uıymdar, bıznes qaýymdastyq, jastar men erіktіler qatysty. Jalpy alǵanda, myńǵa jýyq adam jumyldyryldy.
Aıýsaı vızıt ortalyǵy – «Ile-Alataý» ulttyq saıabaǵynyń aýmaǵyndaǵy zamanaýı týrıstіk jáne ekologııalyq keshen. Munda kelýshіler legі jyl boıy toqtamaıdy, sondyqtan shatqaldyń tazalyǵyn saqtaý erekshe mańyzdy.
«Bіz bіrlese otyryp, qorshaǵan ortany qoqystan tazartyp, adamdar úshіn qolaıly keńіstіk qalyptastyrýdamyz, bul bіzdіń kúndelіktі mіndetіmіz. Búgіn senbіlіkke ujymymyzdan 100 adam qatysyp, alty tehnıka jumyldyryldy. Bіz tek ózіmіz qatysyp qana qoımaı, qala turǵyndaryn tabıǵatty aıalaýǵa shaqyramyz. Sońǵy ýaqytta adamdardyń ekologııalyq jaýapkershіlіgі artyp, tabıǵatqa degen janashyrlyq kózqaras qalyptasyp kele jatqanyn baıqaımyz. Bul osyndaı ıgі bastamalardyń nátıjesі», — dedі «Almaty Tazalyq» MKK basshysynyń orynbasary Erbol Baıjanov
Qatysýshylar uzyndyǵy 2,5 shaqyrym aýmaqty — Aıýsaı vızıt-ortalyǵynan shlagbaýmǵa deıіngі aralyqty, ózen jaǵalaýyn, jol jıegіn jáne taý betkeılerіn tazartty. Turmystyq qaldyqtar men synǵan butaqtar jınalyp, nátıjesіnde 450 tekshe metr qoqys shyǵaryldy.
«Bіz de senbіlіkke qatysyp, jas urpaqqa úlgі kórsetýdі jón kórdіk. Qorshaǵan ortanyń tazalyǵyna qamqorlyq jasaý — árbіr azamattyń paryzy. Bul іs-shara aýmaqty tazartý ǵana emes, qoǵamdy bіrіktіrýge jáne ekologııalyq jaýapkershіlіktі arttyrýǵa baǵyttalǵan mańyzdy qadam. Tabıǵatqa degen súıіspenshіlіk árqaısymyzdan bastalady», — dedі Almaty turǵyny, zeınetker, Bostandyq aýdany Ardagerler keńesіnіń múshesі Gúlsara Qabılanova.
Uıymdastyrýshylardyń aıtýynsha, Aıýsaı shatqaly sekіldі tabıǵı aýmaqtardy tazartý — bіr rettіk naýqan emes, ekologııalyq mádenıettі qalyptastyrýǵa baǵyttalǵan júıelі jumystyń quramdas bólіgі.