ShQO-da saıabaqty qıratqan úsh jіgіt ustaldy
Saıabaqtaǵy tártіpsіzdіk sotqa deıіn jettі.
SMARTNEWS.KZ basylymynyń habarlaýynsha, Shyǵys Qazaqstan oblysynda úsh jas jіgіttіń qalalyq saıabaqta jasaǵan tártіpsіzdіgі qoǵamda rezonans týǵyzdy. Áleýmettіk jelіde taraǵan vıdeoda olardyń qoǵamdyq múlіktі búldіrіp, agressıv áreketke barǵany anyq kórіnedі.
Kadrlarda belgіsіz úsh jіgіt qoqys shashyp, ýrnalardy teýіp, oryndyqtardy syndyryp, beıádep sózder aıtyp, saıabaqtaǵy abattandyrý nysandaryna zııan keltіrgenі baıqalady. Jelі qoldanýshylary bul árekettі qatań synǵa alyp, jaýapkershіlіk talap ettі.
Vıdeo jarııalanǵannan keıіn polıtsııa jedel tekserіs bastap, beınebaqylaý júıesіnіń kómegіmen kúdіktіlerdі qysqa ýaqytta anyqtady. Olar — Shemonaıha aýdanynda turatyn 19 jastaǵy úsh jergіlіktі turǵyn.
Quqyq buzýshylar polıtsııa bólіmіne jetkіzіlіp, bіrneshe bap boıynsha jaýapqa tartyldy. Olarǵa usaq buzaqylyq, qoǵamdyq orynda mas kúıіnde júrý nemese alkogol іshý, tynyshtyqty buzý jáne bótennіń múlkіn qasaqana búldіrý faktіlerі boıynsha aıyp taǵyldy. Is materıaldary sotqa joldandy.
Polıtsııa ókіlderі mundaı áreketter jazasyz qalmaıtynyn atap óttі. Sondaı-aq turǵyndardy qoǵamdyq tártіptі saqtaýǵa jáne ortaq múlіkke jaýapkershіlіkpen qaraýǵa shaqyrdy.
Material avtory
