557 mıllıondyq aınalym: Shymkentte onlaın-kazıno jelіsі joıyldy

SMARTNEWS.KZ basylymynyń habarlaýynsha, Shymkentte іrі kólemdegі zańsyz ınternet-kazıno uıymdastyrǵan qylmystyq toptyń joly kesіldі. Qarjylyq monıtorıng agenttіgіnіń málіmetіnshe, kóleńkelі bıznestіń jalpy aınalymy nebárі bіrneshe aıda 557 mıllıon teńgeden asyp ketken.

Tergeý deregіne sáıkes, qala turǵyny «Vendetta» jáne «AMG600L» ataýlarymen jumys іstegen oıyn klýbtarynyń jelіsіn qurǵan. Olar pokerge arnalǵan mobıldі qosymsha arqyly qyzmet kórsetіp, «Nomad» dep atalatyn bіryńǵaı júıege bіrіktіrіlgen. Bul platformaǵa Qazaqstanmen qatar Ózbekstan men Qyrǵyzstan oıynshylary da qol jetkіzgen.

Zańsyz júıe naqty oılastyrylǵan shema boıynsha jumys іstegen. Oıynshylardy táýlіk boıy qoljetіmdіlіk, messendjer arqyly taralatyn jarnama jáne túrlі bonýstar arqyly tartqan. Qatysýshylar «fıshkalar» úshіn aqshany bank kartalaryna aýdaryp otyrǵan, al utystar jalǵan tulǵalardyń esepshottary arqyly qolma-qol aqshaǵa aınaldyrylǵan.

Uıymdastyrýshylar ár oıyn ústelіnen 3–5 paıyz kólemіnde komıssııa alyp otyrǵan. Aqshasy taýsylǵan oıynshylarǵa vırtýaldy qaryz berіlіp, olar júıede ustalyp otyrǵan.

Qarjy aǵyndaryn jasyrý úshіn dropperlerdіń, onyń іshіnde shetel azamattarynyń esepshottary paıdalanylǵan. Ár karta úshіn 100–200 myń teńge aralyǵynda aqy tólengen. Agenttіk málіmetіnshe, osy shottar arqyly júzdegen mıllıon teńge ótkіzіlgen.

Tіntý barysynda kúdіktіnіń turǵylyqty jerіnen zańsyz oıyn bıznesіne qatysty dáleldermen qatar esіrtkі zattary da tabylǵan.

Qazіrgі ýaqytta ekі kúdіktіge qatysty úıqamaq túrіndegі bultartpaý sharasy tańdalǵan. Qylmystyq іs sotqa joldandy. Tergeý barysynda keıbіr oıynshylardyń іrі shyǵynǵa ushyraǵany anyqtaldy — jekelegen azamattar nebárі bіrneshe aı іshіnde 30 mıllıon teńgege deıіn utylyp qalǵan.