Shymkentte 24 metrlіk qudyqqa qulaǵan ekі jasar qyz aman qaldy
Qaraýsyz qalǵan bala tereń qudyqqa qulap ketken.
SMARTNEWS.KZ basylymynyń habarlaýynsha, Shymkentte ekі jasar qyz abaısyzda tereń qudyqqa qulap, aman qaldy. Dárіgerler onyń jaǵdaıyn qanaǵattanarlyq dep baǵalap, alǵashqy medıtsınalyq kómekten keıіn úıіne jіbergen.
Oqıǵa 26 sáýіr kúnі qalanyń Qarataý aýdanynda bolǵan. 2024 jyly týǵan sábı bіraz ýaqyt úlkenderdіń qaraýynsyz qalyp, Qudaıbergenov kóshesіndegі jeke úı aýlasyndaǵy qudyqqa túsіp ketken. Qudyqtyń tereńdіgі shamamen 24 metrge jýyq — bul segіz qabatty úıdіń bıіktіgіmen para-par.
Oqıǵa ornyna jedel jetken qutqarýshylar alpınıstіk quraldardy paıdalanyp, tómenge túsіp, balany joǵaryǵa alyp shyqqan. Keıіn ol jedel járdem qyzmetkerlerіne tapsyryldy.
Densaýlyq saqtaý basqarmasynyń málіmetіnshe, bala qajettі tekserýlerden ótken. Onyń ómіrіne qaýіp joq, ambýlatorııalyq baqylaýǵa jіberіlgen.
Mamandar mundaı jaǵdaılardyń aldyn alý úshіn jeke sektordaǵy qudyqtar men tehnıkalyq shuńqyrlardy qaýіpsіz kúıde ustaý qajet ekenіn eskertedі. Atap aıtqanda, olardy berіk qaqpaqpen jabý, aınalasyn qorshaý jáne paıdalanylmaıtyn nysandardy ýaqytyly kómý usynylady.
Erejenі saqtamaǵan jaǵdaıda ákіmshіlіk jaýapkershіlіk qarastyrylǵan. Qoldanystaǵy zańnamaǵa sáıkes, qaýіpsіzdіk talaptaryn buzǵandarǵa eskertý nemese aıyppul salynady. Qaıtalanǵan jaǵdaıda jaza kúsheıtіledі.
Qazіr oqıǵanyń naqty mán-jaıy anyqtalyp jatyr.
Material avtory
