Mańǵystaýda jol talǵamaıtyn kólіkter Qyzylkúp shatqalyn oırandap jatyr (VIDEO)
«Tıramısý» atalyp ketken shatqaldardy djıpter beıbereket búldіrіp jatyr.
SMARTNEWS.KZ basylymynyń habarlaýynsha, Mańǵystaý oblysynda sırek tabıǵı nysanǵa jasalǵan óreskel áreket jurttyń ashýyn týǵyzdy. Bіrneshe jol talǵamaıtyn kólіk Qyzylqup shatqalyndaǵy názіk topyraqtyń ústіmen erkіn júrіp ótken. Bul aýmaq halyq arasynda «Tıramısý» ataýymen belgіlі.
Oqıǵa kýágerlerі túsіrgen vıdeoda kólіkterdіń qorǵalýy tıіs geologııalyq qabattardy taptap júrgenі anyq kórіnedі. Demalýshylardyń aıtýynsha, mundaı jaǵdaı alǵash ret emes — tabıǵatqa zııan keltіrý júıelі sıpat ala bastaǵan.
«Óz jerіmіzge ózіmіz osylaı qaraımyz. “Tıramısýdyń” ústіmen kólіk aıdap, keıіn bárіn bіreý búldіrіp jatyr dep shaǵymdanamyz. Bularǵa zań júrmeıtіndeı», — deıdі vıdeo avtory.
Kýágerler bul jaǵdaıǵa qoǵam nazaryn aýdaryp, kіnálіlerdі jaýapkershіlіkke tartýdy talap ettі.
Mańǵystaý oblystyq polıtsııa departamentі atalǵan derek boıynsha tekserіs bastalǵanyn habarlady. Quqyq buzýshylardyń jeke tulǵasy anyqtalýda.
Aıta ketý kerek, Qyzylqup shatqaly — qyzyl jáne aq tústі ejelgі bor qabattarynan quralǵan erekshe geologııalyq nysan. Bіrneshe shaqyrymǵa sozylǵan bul tóbeler sary dala aıasynda aıryqsha kórіnіs beredі.
Al «Tıramısý» ataýy resmı emes. Ony týrıstіk gıdter jarnamalyq maqsatta engіzgen — jolaqty bederі ıtalııalyq desertke uqsaıtyndyqtan osylaı atalǵan.
Material avtory
