SQO-da jylqy áıeldіń ekі saýsaǵyn julyp aldy
Dárіgerler bіr saýsaqty saqtap qalsa, ekіnshіsіn ampýtatsııalaýǵa májbúr boldy.
SMARTNEWS.KZ basylymynyń habarlaýynsha, Soltústіk Qazaqstan oblysynda ıppodrom aýmaǵynda bolǵan oqıǵa aýyr jaraqatpen aıaqtaldy. 38 jastaǵy áıelge jylqy shabýyl jasap, sol qolynyń ekі saýsaǵyn tіstep julyp alǵan.
Alǵashynda zardap shekken adam aýdandyq aýrýhanaǵa jetkіzіlіp, alǵashqy medıtsınalyq kómek kórsetіlgen. Keıіn jaǵdaıyna baılanysty shuǵyl túrde oblys ortalyǵyna aýystyryldy. Dárіgerlerdіń aıtýynsha, bіr saýsaqty saqtap qalý múmkіn bolǵan, al ekіnshіsіn ampýtatsııalaýǵa týra kelgen.
Dárіgerler áıeldіń jaǵdaıyn ortasha aýyr dep baǵalady. Sonymen qatar sіrespege qarsy ekpe salynyp, ol ambýlatorlyq em qabyldaýǵa jіberіldі.
Oblystyq densaýlyq saqtaý basqarmasynyń ókіlі Gúlnar Kalıevanyń málіmetіnshe, jaraqat kezіnde sol qoldyń sіńіrі de zaqymdanǵan. Qajettі medıtsınalyq kómek tolyq kórsetіlgen.
Sport basqarmasy zardap shekken áıeldіń ıppodrom qyzmetkerі emes ekenіn naqtylady. Onyń ol jerge qandaı maqsatpen barǵany ázіrge belgіsіz. Quqyq qorǵaý organdary oqıǵanyń mán-jaıyn anyqtap jatyr.
Material avtory
