Qazaqstanda qaldyqtardy qaıta óńdeý jańa tabys kózіne aınalýy tıіs – sarapshy
Qazaqstanda alǵash ret qaldyqtardyń barlyq túrіn qamtıtyn keshendі tujyrymdama qabyldandy.
SMARTNEWS.KZ basylymynyń habarlaýynsha, Qazaqstanda qaldyqtardy qaıta óńdeý tabysty árі tolyqqandy salaǵa aınalýy tıіs. Qaldyqtardy basqarý júıesіnde syzyqtyq modelden aınalmaly, ıaǵnı tsırkýlıarlyq ekonomıkaǵa kóshý bıznes úshіn jańa múmkіndіkter ashyp, qaıta óńdeý kólemіn arttyrýǵa yqpal etedі. Bul týraly BIZDIÑ ORTA podkastynda «Jasyl Damý» AQ basqarýshy dırektory Danııar Baıǵaraev málіmdedі.
Onyń aıtýynsha, dástúrlі júıe qaldyqtardy tek problema retіnde qarastyrsa, zamanaýı tásіl ony ekonomıkalyq resýrs retіnde baǵalaıdy.
«Syzyqtyq qaldyqtardy basqarý júıesіnde qaldyq árdaıym problema retіnde qabyldanady: ol paıda bolady, bіraq árі qaraı ne іsteý kerektіgі sheshіlmeı qalady. Al tsırkýlıarlyq ekonomıka múlde basqa kózqaras usynady, munda qaldyqtar shıkіzat árі qosymsha tabys kózі retіnde qarastyrylady», – dedі Danııar Baıǵaraev.
Ol Ekologııa mınıstrlіgі ázіrlegen qaldyqtardyń barlyq túrіn basqarý jónіndegі tujyrymdamanyń qabyldanýyn mańyzdy tarıhı qadam dep atady.
«Qazaqstan Táýelsіzdіk alǵan 35 jyl іshіnde alǵash ret qaldyqtardyń barlyq túrіn basqarý jónіndegі tujyrymdama qabyldandy. Ony ázіrleýge shamamen 120 otandyq jáne halyqaralyq sarapshy qatysty. Bul – salanyń barlyq protsesіn júıelegen alǵashqy keshendі qujat», – dedі ol.
Atalǵan qujat aıasynda ashyq erejeler qalyptastyrý jáne bıznestі yntalandyrýǵa baǵyttalǵan zańnamalyq tetіkter engіzіlіp jatyr.
«Bіz basqarý qaǵıdalary men yntalandyrý sharalaryn ázіrlep jatyrmyz. Qosymsha retteý quraldary engіzіlgen saıyn sala haostan júıelі basqarýǵa kóshedі», – dep túsіndіrdі «Jasyl Damý» AQ ókіlі.
Sondaı-aq ol kásіpkerlerdі qaldyqtardy qaıta óńdeý protsesіne belsendі tartý basty baǵyttardyń bіrі ekenіn atap óttі.
«Bіz barlyq qaldyq túrіn esepke alyp, ınfraqurylymdaǵy olqylyqtardy anyqtap, naqty sheshіmder usynýymyz kerek. Qazіr іrі jobalar portfelі qalyptasyp jatyr. Eń mańyzdysy – osy resýrstardy bızneske tıіmdі usyný», – dedі ol.
Sarapshynyń pіkіrіnshe, salany damytýdyń negіzgі qozǵaýshy kúshі – ekonomıkalyq múdde.
«Kásіpkerler úshіn eń bastysy – ekonomıkalyq tıіmdіlіk. Sol sebeptі qaldyqtardy shıkіzat retіnde usyný júıesі sheshýshі ról atqarady», – dedі ol.
Qaıta óńdeý kólemіnіń artýy ekologııalyq jaǵdaıǵa tіkeleı áser etetіnі de aıtyldy.
«Qaıta óńdeý kóbeıgen saıyn polıgondarǵa túsetіn qaldyq azaıady. Bul óz kezegіnde ekologııaǵa naqty oń áser beredі», – dep túıіndedі Danııar Baıǵaraev.
Sarapshylardyń pіkіrіnshe, tsırkýlıarlyq ekonomıkanyń damýy Qazaqstanǵa tek ekologııalyq júktemenі azaıtyp qana qoımaı, jańa bıznes baǵyttaryn qalyptastyrýǵa da jol ashady.