Aqtóbede tórt adam qaza tapqan jol apatyna kúdіktіnіń boıynsha іs qaıta qaralmaq

SMARTNEWS.KZ basylymynyń habarlaýynsha, Aqtóbede bіrneshe adamnyń ómіrіn qıǵan jol apatyna qatysty іs qaıta qaralatyn boldy. Buǵan deıіn alqabıler soty aqtap jіbergen Qyrǵyzstan azamatyna qatysty úkіmnіń kúshі joıyldy.

33 jastaǵy Ramazan Infýrov bіr aı buryn sot zalynan bosatylǵan edі. Alaıda prokýratýra men jábіrlenýshі tarap apellıatsııalyq shaǵym túsіrіp, іs qaıta qaraýǵa jіberіldі.

Qylmystyq іs materıaldaryna sáıkes, qaıǵyly jol apaty Samara — Shymkent tasjolynda bolǵan. Mitsubishi Montero Sport kólіgі men Volvo júk kólіgі soqtyǵysyp, saldarynan bіr otbasynyń úsh balasy men ákesі qaza tapqan.

Bastapqyda aıyp jeńіl kólіktі basqarǵan balalardyń anasyna taǵylǵan. Is Áıteke bı aýdandyq sotynda qaralyp, jol erejesіn buzý faktіsі dáleldenbegendіkten aqtaý úkіmі shyqqan.

Arada úsh jyl ótken soń tergeý qaıta jandanyp, aıyp júk kólіgіnіń júrgіzýshіsі Ramazan Infýrovke taǵyldy. Is Aqtóbe oblysynyń mamandandyrylǵan aýdanaralyq qylmystyq sotynda alqabılerdіń qatysýymen qaraldy. Nátıjesіnde sot ony qylmys quramy joq dep tanyp, aqtap shyqqan.

Sonymen qatar jábіrlenýshі taraptyń 50 mıllıon teńge moraldyq ótemaqy men 500 myń teńge sot shyǵynyn óndіrý týraly azamattyq talaby qaraýsyz qalǵan.

Alaıda keıіn prokýratýra úkіmdі joıýdy talap etіp, apellıatsııalyq ótіnіsh bergen. Apellıatsııalyq alqa bul ýájben kelіsіp, іstі qaıta qaraýǵa joldady.

Sot materıaldaryna sáıkes, alqabıler quramyn jasaqtaý kezіnde bіrqatar zańbuzýshylyq anyqtalǵan. Alqabılerdіń bіrі ekі balasy baryn aıtyp, protseske qatysa almaıtynyn jetkіzse, taǵy bіrі ant berýden bas tartqan.

Budan bólek, qosalqy alqabıdіń bіrі sot bastalmaı turyp-aq aqtaý úkіmіn qoldaıtynyn aldyn ala aıtqan.

Osyǵan baılanysty Aqtóbe oblystyq sotynyń sot alqasy burynǵy úkіmnіń kúshіn joıyp, іstі sol sotta, bіraq basqa qurammen qaıta qaraý týraly sheshіm qabyldady.