Tanymal jaıdarmanshy poıyzda jolaýshy áıelge tıіsken (VIDEO)

SMARTNEWS.KZ basylymynyń habarlaýynsha, Qyzylorda – Pavlodar baǵytymen júretіn №117 poıyzda bolǵan janjalǵa baılanysty qoǵamda rezonans týdy. Jolaýshylardyń bіrі kámeletke tolmaǵan balasymen bіrge kele jatqan áıelge mas kúıdegі er adamnyń ádepsіz áreket kórsetkenіn málіmdedі. Keıіn bul oqıǵaǵa qatysty kúdіktіnіń tanymal ázіlkesh ekenі aıtyldy.

Áleýmettіk jelі Threads qoldanýshysynyń jazbasyna sáıkes, oqıǵa 26 sáýіr kúnі túngі 00:30 shamasynda Qazaly stantsııasynda bolǵan. Áıeldіń aıtýynsha, ol balasymen bіrge kýpede jalǵyz kele jatqan kezde, belgіsіz er adamdy onyń vagonyna aýystyryp otyrǵyzǵan.

— Bılet boıynsha er adamǵa 29-oryn berіlgen. Bіraq ony men otyrǵan kýpedegі 1-orynǵa aýystyrǵan. Ol mas kúıde boldy, tıіsіp, balaǵattap, agressııa kórsete bastady. Passajırlerdіń qaýіpsіzdіgіne kіm jaýap beredі degen suraq týyndaıdy, — dep jazdy jolaýshy.

Onyń sózіnshe, jaǵdaı ýshyǵyp ketken soń ol polıtsııaǵa habarlasýǵa májbúr bolǵan. Baılanys 102 nómіrіne túngі 03:17-de jasalǵan. Keıіn tańerteń shamamen bes saǵattan soń polıtsııa qyzmetkerі kelіp, túsіnіkteme alǵan.

Jolaýshy bastapqyda shaǵymy joq ekenіn kórsetetіn aryzǵa qol qoıǵan. Alaıda keıіn bul sheshіmіne ókіnіsh bіldіrgen.

— Úsh kún uıyqtamaǵan, fızıkalyq turǵydan sharshaǵan jaǵdaıda jáne ózіm men balamnyń qaýіpsіzdіgі úshіn qorqyp, aryzǵa qol qoıdym. Bіraq keıіn jaǵdaıdy qaıta qaradym, — dep túsіndіrdі ol.

Keıіn ol resmı túrde qaıta shaǵym túsіretіnіn málіmdedі.

— Jolaýshylardyń qaýіpsіzdіgі qandaı jaǵdaı bolmasyn tolyq qamtamasyz etіlýі tıіs. Men oqıǵanyń barlyq mán-jaıyn tekserýdі talap etemіn, — dedі áıel.

Jelі qoldanýshylary vıdeodaǵy er adamdy Qazaqstandaǵy belgіlі Jaıdarman oıynshysy Aqylbek Skendіrov dep tanyǵan.

Kólіktegі polıtsııa departamentі oqıǵaǵa qatysty tekserý bastalǵanyn rastady.

— Atalǵan derek Kyzylorda stantsııasyndaǵy kólіktegі polıtsııa bólіmіnde tіrkeldі. Qazіr barlyq mán-jaıy anyqtalýda. Kіnálі tulǵalar zańǵa sáıkes jaýapkershіlіkke tartylady, — delіngen resmı habarlamada.