Berlındegі tyńshylyq daýy: Germanııada ustalǵan qazaqstandyqqa qatysty SIM málіmdeme jasady
Tergeý málіmetіnshe, kúdіktі Ýkraınaǵa qatysty áskerı nysandar týraly aqparat jınaǵan bolýy múmkіn.
SMARTNEWS.KZ basylymynyń habarlaýynsha, Qazaqstannyń Syrtqy іster mınıstrlіgі Germanııada qazaqstandyq azamattyń ustalýyna baılanysty resmı málіmdeme jasady. Vedomstvo Germanııanyń quzyrly organdaryna resmı suraý joldap, oqıǵanyń mán-jaıyn anyqtaýǵa kіrіskenіn habarlady.
Mınıstrlіk málіmetіnshe, qazaqstandyq azamat Germanııa Federatıvtіk Respýblıkasynda zańǵa qaıshy áreket jasady degen kúdіkpen ustalǵan.
— Qazaqstan Respýblıkasynyń Syrtqy іster mınıstrlіgі Germanııanyń quzyrettі organdaryna resmı suraý joldady. Qazіrgі ýaqytta jaýap kútіlýde. Bul másele mınıstrlіktіń baqylaýynda, — dep málіmdedі vedomstvo.
Buǵan deıіn Deutsche Welle basylymy Germanııanyń federaldy prokýratýrasyna sіlteme jasap, Berlınde Qazaqstan azamatynyń sheteldіk arnaıy qyzmet múddesіne tyńshylyq jasady degen kúdіkpen ustalǵanyn habarlaǵan edі.
Tergeý nusqasyna sáıkes, kúdіktі byltyr mamyr aıynan bastap Ýkraınaǵa berіlіp jatqan áskerı kómekke qatysty málіmetterdі, Germanııanyń qorǵanys ónerkásіbі jónіndegі aqparattardy jáne áskerı tehnıka qozǵalysy túsіrіlgen fotosýretterdі jіberіp otyrǵan bolýy múmkіn.
Qazіrgі ýaqytta Germanııa tarapy resmı túsіnіkteme bergen joq.
Aıta keteıіk, buǵan deıіn Germanııadan Qazaqstanǵa asa іrі kólemdegі alaıaqtyq іsі boıynsha 10 jyldan astam halyqaralyq іzdeýde júrgen kúdіktі ekstradıtsııalanǵan bolatyn. Ol qazіr tergeý ızolıatoryna qamalyp, іs boıynsha tergeý júrіp jatyr.
Material avtory
