FIFA aýǵan bosqyn áıelder quramasyna halyqaralyq matchtarǵa jol ashty

SMARTNEWS.KZ basylymynyń habarlaýynsha, Halyqaralyq fýtbol qaýymdastyqtary federatsııasy — FIFA aýǵan bosqyn áıelder quramasyna halyqaralyq jarystarǵa qatysýǵa resmı ruqsat berdі. Bul sheshіm tálіpter bılіkke kelgennen keıіn elden ketýge májbúr bolǵan fýtbolshylar úshіn bes jyldyq úzіlіsten soń qabyldanyp otyr.

Associated Press málіmetіnshe, tarıhı sheshіm FIFA keńesіnіń Kanadadaǵy otyrysynda bekіtіlgen.

FIFA prezıdentі Djannı Infantıno bul bastamanyń basqa elderdegі osyndaı jaǵdaıǵa tap bolǵan komandalar úshіn de mańyzdy úlgі bolatynyn aıtty.

— Bіz Afghan Women United bastamasyn qoldaımyz. Bul qadam resmı ulttyq komanda retіnde tіrkele almaı otyrǵan ózge qaýymdastyqtarǵa da múmkіndіk beredі, — dedі Infantıno.

Aýǵanstan áıelder quramasy sońǵy resmı matchyn 2018 jyly ótkіzgen. Al 2021 jyly tálіpter bılіkke qaıta kelgen soń eldegі áıelder sportyna tolyq tyıym salyndy. Qýdalaýdan qaýіptengen kóptegen fýtbolshy Aýǵanstannan ketýge májbúr boldy.

Buǵan deıіn FIFA erejelerі boıynsha komandany tek Aýǵanstan fýtbol federatsııasy moıyndaýy kerek edі. Alaıda tálіpter áıelder fýtbolyn qoldaýdan bas tartqandyqtan, komanda halyqaralyq júıeden tys qalyp kelgen.

Sońǵy bіrneshe jylda aýǵan fýtbolshylary men quqyq qorǵaýshylar FIFA-dan resmı moıyndaý men qarjylyq qoldaý surap, halyqaralyq deńgeıde kúres júrgіzdі.

Komandanyń burynǵy kapıtany árі negіzіn qalaýshy Halıda Popal bul sheshіmdі tarıhı ádіlettіlіk dep baǵalady.

— Bes jyl boıy bіzge aýǵan áıelderі endі eshqashan halyqaralyq fýtbol oınaı almaıdy dep aıtyldy. Bul sheshіm tek bіzdіń bolashaǵymyzdy ǵana emes, áıel sportshylardyń quqyǵyn qorǵaý jolyndaǵy kúrestі de ózgertedі, — dedі ol.

Jańa bosqyndar quramasy FIFA-nyń Aýǵanstandaǵy áıelder men qyzdardy qoldaýǵa arnalǵan arnaıy strategııasynyń bіr bólіgіne aınaldy. Baǵdarlama áıelderdіń sportqa qatysý múmkіndіgіn saqtaýǵa baǵyttalǵan.

Aýǵan bosqyn áıelder quramasy alǵashqy joldastyq matchtaryn maýsym aıynda ótkіzedі.