Reseıde maldy jappaı tárkіleýge jaýapty sheneýnіk jumbaq jaǵdaıda kóz jumdy
Marqumnyń jubaıy onyń ólіmіn aýyr jumys júktemesіmen baılanystyrdy.
SMARTNEWS.KZ basylymynyń habarlaýynsha, Reseıdіń Novosіbіr oblysynda úı malyn tárkіleý jáne jappaı soıý sharalaryna jaýapty bolǵan sheneýnіk kóz jumdy. 43 jastaǵy Sergeı Týrdyń ólіmіnen keıіn quqyq qorǵaý organdary tekserіs bastady.
DW basylymynyń málіmetіnshe, Sergeı Týr Novosіbіr oblystyq veterınarııa basqarmasynyń epızootııaǵa qarsy jáne karantındіk sharalar bólіmіn basqarǵan. Ol óńіrdegі іndetke qarsy jumystardy, sonyń іshіnde maldy májbúrlі tárkіleý men jappaı soıý naýqandaryn úılestіrgen.
Marqumnyń jubaıy NGS.ru portalyna bergen pіkіrіnde onyń qazasyn jumyspen baılanystyrdy.
«Keshe júregі toqtap qaldy. Buǵan jumys tіkeleı áser ettі. Moraldyq ta, fızıkalyq ta júkteme óte aýyr boldy. Jaýapkershіlіk orasan edі», — dedі ol.
Reseılіk bіrqatar BAQ sheneýnіktіń ózіne qol jumsaýy múmkіn degen boljamdy da jarııalady. Qazіr bul nusqany tekserіp jatqan quqyq qorǵaý organdary qarastyryp jatyr.
Sońǵy aptalarda Reseıdіń bіrneshe óńіrіnde bılіk pasterellez іndetіmen kúres degen jeleýmen sharýalardyń malyn jappaı tárkіlep, soıý sharalaryn júrgіzgen. Alaıda fermerler bul sheshіmderge qarsy shyǵyp, saraptama nátıjelerі kórsetіlmegenіn, al alynǵan maldardyń saý kórіngenіn aıtqan.
Sarapshylardyń bіr bólіgі Sіbіrdegі tótenshe sharalardyń shynaıy sebebі pasterellez emes, emdelmeıtіn aýsyl aýrýy bolýy múmkіn degen kúdіk keltіrýde. Sebebі halyqaralyq talap boıynsha mundaı іndet tіrkelse, memleket bul týraly Dúnıejúzіlіk janýarlar densaýlyǵy uıymyna habarlaýǵa mіndettі. Keı sarapshylar Reseı bılіgі et pen sút eksportyna shekteý qoıylmaýy úshіn osy aqparatty jarııa etýden qashqan bolýy múmkіn dep boljaıdy.
Material avtory
