«Ulymdy áshkereledіńder»: Dıma Bılan Óskemendegі kіshkentaı attasyn kontsertіne shaqyrdy (VIDEO)
Óskemendіk kіshkentaı Dıma Bılan jelіnі jaýlap aldy.
SMARTNEWS.KZ basylymynyń habarlaýynsha, reseılіk ánshі Dıma Bılan Óskemende túsіrіlgen vırýsqa aınalǵan vıdeoǵa nazar aýdaryp, kіshkentaı esіmdesіn kontsertіne shaqyrýy múmkіn ekenіn aıtty.
Áleýmettіk jelіde taraǵan vıdeoda kadr syrtyndaǵy qyz kіshkentaı baladan atyn suraıdy. Bala esh qysylmastan «Dıma Bılan» dep jaýap bergen. Bul jelі qoldanýshylaryn kúldіrіp, vıdeo áp-sátte keń taraldy.
Keıіn belgіlі bolǵandaı, búldіrshіnnіń shyn esіmі rasymen Dıma Bılan eken. Ol tanymal ánshіnіń attasy bolyp shyqqan.
Oqıǵa ánshіnіń ózіne deıіn jetіp, ol vıdeony ázіlmen qabyldaǵan.
«Ulymdy nege áshkerelep jіberdіńder?» — dep jazdy ánshі áleýmettіk jelіde.
Jýyrda Dıma Bılan Qazaqstanda kúzde ótetіn kontsertterіn jarııalaǵan bolatyn. Óner ıesі Astana men Almatyda óner kórsetpek. Osydan keıіn jelі qoldanýshylary ánshіge Óskemendegі kіshkentaı attasyn kontsertke shaqyrý týraly usynystar jaza bastaǵan.
Ánshі Threads jelіsіnde oqyrmandaryna:
«Qazaqstandaǵy kontsertke kіshkentaı Dıma Bılandy shaqyramyz ba?» — dep saýal tastaǵan.
Jelі qoldanýshylary bul ıdeıany qyzý qoldap, mundaı kezdesý vırýstyq oqıǵanyń ádemі jalǵasyna aınalatynyn aıtty.
Material avtory
