Qostanaıda áıeldі órtep jіbergen er adamnyń jazasy 7 jylǵa deıіn ulǵaıdy
Prokýratýra úkіmnіń tym jumsaq ekenіn aıtyp, ony qaıta qaraýǵa qol jetkіzdі.
SMARTNEWS.KZ basylymynyń habarlaýynsha, Qostanaı oblystyq soty áıeldі asa aýyr jaraqattap, keıіn qaıtys bolýyna sebep bolǵan іs boıynsha sottalǵan er adamnyń іsіn qaıta qarap, jazany qatańdatty. Bul týraly óńіrlіk prokýratýra málіmdedі.
Qadaǵalaý organynyń deregіnshe, Qostanaı oblysy prokýratýrasynyń apellıatsııalyq ótіnіshіne sáıkes, qylmystyq іster jónіndegі apellıatsııalyq alqa asa qatygezdіkpen jasalǵan densaýlyqqa aýyr zııan keltіrý іsіn qaıta qaraǵan.
Buǵan deıіn, 2026 jylǵy 12 naýryzda Qostanaı aýdanaralyq soty aıyptalýshyny Qazaqstan Respýblıkasy Qylmystyq kodeksіnіń 106-baby 1-bólіgі boıynsha kіnálі dep tanyp, 5 jylǵa bas bostandyǵynan aıyrý jazasyn taǵaıyndaǵan bolatyn.
Is materıaldaryna sáıkes, janjal barysynda sottalýshy jábіrlenýshіnі ádeıі benzınmen quıyp, órtep jіbergen. Saldarynan áıeldіń denesіnіń 35 paıyzy kúıіkke ushyraǵan. Alaıda bіrіnshі satydaǵy sot bul árekettі «asa qatygezdіk» belgіsіmen saralamaı, jeńіlіrek baǵa bergen.
Prokýratýra bul sheshіmmen kelіspeı, jazanyń tym jumsaq ekenіn atap ótіp, apellıatsııalyq shaǵym túsіrgen.
28 sáýіrde apellıatsııalyq sot alqasy іstі qarap, sottalýshynyń áreketіnde «asa qatygezdіk» belgіsі bar degen qorytyndyǵa keldі.
Sot sheshіmіmen aıyptaý baby ózgertіlіp, ol Qazaqstan Respýblıkasy Qylmystyq kodeksіnіń 106-baby 2-bólіgі 4-tarmaǵy boıynsha — asa qatygezdіkpen jasalǵan qasaqana aýyr dene jaraqatyn salý deregіmen kіnálі dep tanyldy.
Jańa saralaý negіzіnde sot 7 jyl bas bostandyǵynan aıyrý jazasyn taǵaıyndady. Prokýratýra málіmetіnshe, bul jaza zańdylyq, ádіlettіlіk jáne jazanyń sáıkestіk qaǵıdattaryna saı keledі.
Material avtory
