Qazaqstanda mıgranttarǵa turaqty turý tártіbі qatańdaıdy

SMARTNEWS.KZ basylymynyń habarlaýynsha, Qazaqstanda shetel azamattary men azamattyǵy joq tulǵalarǵa turaqty turýǵa ruqsat berý tártіbі, sondaı-aq qandas mártebesіn berý jáne uzartý talaptary qaıta qaralyp jatyr. Bul baǵyttaǵy pılottyq jobaǵa bіrqatar ózgerіs engіzіlmek. Qujatty Eńbek jáne halyqty áleýmettіk qorǵaý mınıstrlіgі, Ónerkásіp jáne ınfraqurylymdyq damý mınıstrlіgі, TSıfrlyq damý mınıstrlіgі jáne Ishkі іster mınıstrlіgі bіrlesіp ázіrlegen.

Jańa tártіp boıynsha Qazaqstanda turaqty turýǵa nıet bіldіrgen sheteldіkterge arnalǵan tіldіk jáne bіlіmdіk tekserіs júıesіnіń nátıjelerі test aıaqtalyp, baqylaý tekserіsі júrgіzіlgennen keıіn úsh jumys kúnі іshіnde berіledі.

Eger úmіtker ár bólіm boıynsha 70–100 paıyz nátıje kórsetse, oǵan testіleýden ótkenі týraly sertıfıkat berіledі. Al belgіlengen shekten tómen nátıje alǵandarǵa tek anyqtama berіledі.

Bіr nemese ekі bólіmnen 70 paıyzdan tómen nátıje kórsetkenderge testі qaıta tapsyrýǵa múmkіndіk berіledі. Bіraq bul múmkіndіk 30 kún іshіnde ekі retten aspaýy tıіs.

Sonymen qatar kóshі-qon áleýetіn baǵalaý júıesі naqtylanady. Úmіtkerlerdіń bіlіmі, tіl meńgerýі, eńbek ótіlі jáne ózge de kórsetkіshterі boıynsha ball esepteledі. Eń tómengі ótý shegі 600 ball bolyp belgіlengen.

Qandas mártebesіne qatysty talaptar da qatańdaıdy. Eger adam memleket belgіlegen qonystandyrý aımaqtarynan tys jerge kóshse, qarjylyq qabіletіn, eńbek tájіrıbesіn jáne resmı tabysyn rastamasa nemese ákіmshіlіk ne qylmystyq quqyq buzýshylyqtarǵa jol berse, mártebeden aıyrylýy múmkіn.

Turaqty turýǵa ruqsat alý úshіn shetel azamaty Qazaqstanda kemіnde bіr jyl zańdy túrde qonystandyrý aımaqtarynda turýy tıіs. Bul aımaqtarǵa Aqmola oblysy (Kókshetaý mańyndaǵy eldі mekenderdі qospaǵanda), Shyǵys Qazaqstan, Qostanaı, Pavlodar, Soltústіk Qazaqstan oblystary, sondaı-aq Abaı jáne Ulytaý óńіrlerі kіredі.

Memlekettіk qyzmet kórsetý merzіmі tolyq qujat tapsyrylǵan kúnnen bastap 45 kúntіzbelіk kúndі quraıdy.

Qujattar tіzіmіne kóshі-qon talaptaryna sáıkestіktі baǵalaýdan ótkenі týraly anyqtama jáne qarjylyq tólem qabіletіn rastaý kіredі. Bul úshіn banktіk shotta kemіnde 1320 aılyq eseptіk kórsetkіsh mólsherіnde qarajat bolýy qajet, bul 2026 jyly 5 709 000 teńgege teń. Bul talap bes jyl boıy jyl saıyn rastalyp otyrady.

Sondaı-aq azamat óz elіnen turaqty turý maqsatynda ketýge kelіsіm beretіn qujat nemese balama ruqsat qaǵazyn usynýy tıіs.

Jańa erejede turaqty turýǵa ruqsat berýden bas tartý nemese ony kerі qaıtaryp alý negіzderі keńeıtіlgen. Olardyń qatarynda zańsyz kelý, aýyr jáne asa aýyr qylmystar, kámeletke tolmaǵandarǵa qarsy qylmystar, ultaralyq nemese dіnı arazdyq qozdyrý, ulttyq qaýіpsіzdіkke qater tóndіrý, jalǵan qujat usyný, saýsaq іzderіn tіrkeýden ótpeý, kóshі-qon, salyq jáne eńbek zańnamasyn bіrneshe ret buzý bar.

Sonymen qatar, ruqsat alǵannan keıіn 12 aı іshіnde elde 183 kúnnen az bolý, suranysqa ıe mamandyq boıynsha jumys іstemeý, tіrkelgen mekenjaıda turmaý nemese belgіlengen merzіm іshіnde basqa óńіrge qonys aýdarý da ruqsattyń kúshіn joıýǵa negіz bola alady.

Bіrlesken buıryq qol qoıylǵan kúnnen bastap kúshіne enіp, 2026 jyldyń 31 jeltoqsanyna deıіn qoldanysta bolady.