Dúnıejúzіlіk banktіń jańa prezıdentі saılandy
Dúnıejúzіlіk banktіń jańa prezıdentі bolyp úndіstandyq-amerıkalyq kásіpker Adjaı Banga saılandy. Buryn ol uzaq ýaqyt MasterCard kompanııasyn basqarǵan, dep habarlaıdy smartnews.kz saıty Euronews-ke sіlteme jasap.
63 jastaǵy kásіpker bul orynǵa jalǵyz úmіtker boldy. Degenmen, sheshіm bіraýyzdan qabyldanbady: Reseı ókіlі qalys qaldy.
Dástúr boıynsha Dúnıejúzіlіk bank prezıdentі Amerıka azamaty bolady, ony AQSh prezıdentі usynady.
Banktіń buǵan deıіngі basshysy Devıd Malpas qyzmetіnen merzіmіnen 1 jyl buryn ketedі. Onyń naqty sebebі resmı aıtylǵan joq.