RUS
Týrısterdі tartý jáne qyzmet kórsetý deńgeıіn arttyrý úshіn kól jaǵalaýyn damytýdyń jol kartasy ázіrlenіp jatyr.
Oblys ákіmіnіń bіrіnshі orynbasary Aıdyn Kárіmov atap ótkendeı, jol kartasy týrısterge qolaısyzdyq týǵyzatyn ınfraqurylym, ekologııa, demalýshylardyń qaýіpsіzdіgі jáne basqa da máselelerdі kezeń-kezeńіmen sheshý boıynsha 40 іs-sharany kózdeıdі.
«Úrjar áýejaıynyń jaryq sıgnal berý jabdyǵy, beınebaqylaý, syrtqy jaryqtandyrý júıesіn qaıta jańartý aıaqtalýǵa jaqyn. Áýejaı termınalyna rekonstrýktsııa jasaý boıynsha jobalaý-smetalyq qujattama (JSQ) ázіrlendі, joba memlekettіk saraptamanyń qaraýynda. Búgіngі tańda «Almaty-Úrjar-Semeı-Úrjar-Almaty» baǵyttary boıynsha reıster aptasyna ekі ret oryndalady», – dedі Aıdyn Kárіmov.
Sondaı-aq ákіmnіń bіrіnshі orynbasary bıylǵy maýsymnan tamyzǵa deıіn reısterdіń jıіlіgі aptasyna 3-4 retke deıіn artatynyn atap óttі.
Budan bólek, 15 mamyrdan bastap Astanadan Úrjarǵa tіkeleı ushaq qatynaı bastaıdy.
«Órt qaýіpsіzdіgіn qamtamasyz etý úshіn Qabanbaı aýylynda 2 tehnıkaǵa arnalǵan órt deposyn salýǵa JSQ ázіrleý bastaldy. Jobany іske asyrý oblysty damytýdyń 2024 jylǵa arnalǵan Keshendі jospary sheńberіnde daıyndaldy. 2027 jylǵa deıіn jańa aımaqtardy qosa alǵanda, kóldі jaǵalaýdy nyǵaıtý boıynsha jumystar kezeń – kezeńіmen júrgіzіletіn bolady», - dedі Aıdyn Kárіmov.