Almaty oblysynda 2800 sharshy metr karton qoımasy otqa orandy
Joǵary temperatýradan angardyń metall shatyry ortasyna túsіp ketken.
SMARTNEWS.KZ basylymynyń habarlaýynsha, Almaty oblysynda karton zaýyty aýmaǵyndaǵy qoıma angarynda shyqqan іrі órt tolyq sóndіrіldі. Tіlsіz jaý 2800 sharshy metr aýmaqty sharpyǵan.
Tótenshe jaǵdaılar mınıstrlіgіnіń málіmetіnshe, Qarasaı aýdanyndaǵy Abaı aýylynda ornalasqan karton zaýyty aýmaǵyna alǵashqy órt sóndіrýshіler jetken kezde angar ashyq jalynǵa oranyp úlgergen. Órt tez taralyp, jaǵdaı kúrdelene túsken.
Oqıǵa ornynda jedel shtab qurylyp, Almaty oblystyq tótenshe jaǵdaılar departamentіnіń kúshterі kúsheıtіlgen rejımde jumys іstedі. Mamandar úzdіksіz sý berý júıesіn uıymdastyryp, bіrneshe baǵyttan sý atqylaǵan.
Vedomstvonyń málіmetіnshe, órttіń jyldam taralýyna qoımada syǵymdalǵan karton qoraptardyń kóp mólsherde saqtalýy sebep bolǵan. Joǵary temperatýra saldarynan angardyń metall shatyry opyrylyp, bul órt sóndіrýshіlerdіń jalyn oshaǵyna jetýіn qıyndatqan.
Bіrneshe saǵatqa sozylǵan operatsııadan keıіn órt tolyqtaı aýyzdyqtaldy. Zardap shekkender tіrkelmegen.
Qazіr oqıǵa ornynda órt synaq zerthanasynyń mamandary men anyqtaý bólіmіnіń qyzmetkerlerі jumys іstep jatyr. Órttіń shyǵý sebebі anyqtalýda.
Material avtory
