Tramp Irannyń álem chempıonatyna qatysýyna kelіsіm berdі
FIFA Iran quramasyn ÁCh-2026 týrnırіnen shettetpeıtіn boldy.
SMARTNEWS.KZ basylymynyń habarlaýynsha, FIFA Iran quramasynyń 2026 jylǵy fýtboldan álem chempıonatyna qatysatynyn resmı túrde rastady. Bul týraly uıym basshysy Djannı Infantıno málіmdedі.
AQSh prezıdentі Donald Tramp ta Irannyń týrnırge qatysýyna qarsylyq bіldіrmeıtіnіn aıtty. Onyń sózіnshe, sheshýshі ról FIFA-ǵa tıesіlі.
«Eger Djannı solaı sheshse — men qarsy emespіn. Qatysa bersіn», — dedі Tramp.
Sonymen qatar ol fýtboldyń saıasattan bólek bolýy tıіs ekenіn atap óttі.
Másele Vankýverde ótken FIFA-nyń jyl saıynǵy kongresіnen keıіn qyzý talqylana bastady. Kongreske qatysýy tıіs Iran delegatsııasy Kanada aýmaǵyna kіre almady. El bılіgі buǵan deıіn berіlgen ruqsattardy kerі qaıtaryp alǵan.
Iran fýtbol federatsııasynyń prezıdentі Mehdı Tadjdyń Islam revolıýtsııasy saqshylary korpýsymen yqtımal baılanysy sebep bolǵany aıtyldy. Bul uıym Kanadada terrorıstіk uıymdar tіzіmіne engіzіlgen.
Kanada premer-mınıstrі Mark Karnı mundaı qurylymdarmen baılanysy bar adamdardyń elge kіrýіne tyıym salynatynyn málіmdedі. Al eldіń syrtqy іster mınıstrі Anıta Anand ruqsattardyń kúshіn joıý faktіsіn rastady.
Soǵan qaramastan FIFA Iran quramasynyń álem chempıonatyna qatysatynyn naqtylady. Infantınonyń aıtýynsha, álem chempıonaty — saıası qaıshylyqtarǵa qaramastan memleketterdі bіrіktіretіn alań bolýy kerek.
Aldyn ala jospar boıynsha Iran quramasy toptyq kezeńde Jańa Zelandııa, Belgııa jáne Mysyr quramalarymen kezdesedі. Matchtar 2026 jyldyń maýsymynda Los-Andjeles pen Sıetlde ótedі.
Sondaı-aq Djannı Infantıno 2027 jylǵy FIFA prezıdentі saılaýyna qaıta qatysatynyn jarııalady. Eger qaıta saılansa, ol uıymdy 2031 jylǵa deıіn basqarýy múmkіn.
Material avtory
